Rammstein-ը վերահրապարակել է սկանդալային «նացիստական» տեսահոլովակը

Գերմանական երաժշտական Rammstein խումբը հրապարակել է նոր տեսահոլովակ, որը սկանդալի առիթ էր դարձել 1998-ին: Տեսահոլովակը հրապարակել են իրենց YouTube-ի ալիքում:

Stripped երգի տեսահոլովակը նկարահանել էին դեռևս 21 տարի առաջ: Այն ժամանակ տեսանյութը մեծ սկանդալ առաջացրեց, որից հետո շրջանառությանից հանվեց: Խմբի անդամներից Թիլ Լինդեմանն այն ժամանակ բազմիցս նշել էր, որ այդ տեսահոլովակը չի հայտնվի պաշտոնական հարթակներում: Նրանց մեղադրում էին Հոլոքոստի մասին իրենց հայացքների և արիական ազգի վերածննդի գաղափարախոսությունը պաշտպանելու համար:

Տեսահոլովակը մոնտաժել են Գեբելսի կողմից պատվիրված Օլիմպիա տեսաշարի կադրերով: Ներկայացվում են Բեռլինում անցկացված ամառային Օլիմպիական խաղերը: