«Ռուսական ֆիլմերը վարձույթում բարեհաջող մրցակցում են հոլիվուդյան ֆիլմերի հետ». ՌԴ մշակույթի նախարար

Ռուսական ֆիլմերը որակյալ աճ են դրսևորում, դրանք կենտրոնացած են հանդիսատեսի վրա և վարձույթում բարեհաջող մրցակցում են հոլիվուդյան ֆիլմերի հետ: Այդ մասին, ինչպես հայտնում է «ՌԻԱ Նովոստի» գործակալությունը, ասել է ՌԴ մշակույթի նախարար Վլադիմիր Մեդինսկին:

Նախարարը հիշեցրել է, որ 2012-2018 թվականներին ռուսական կինոդիտումների այցելության աճը կրկնապատկվել է: 2012 թվականին դրա հանդիսատեսն է դարձել 28,7 մլն մարդ, 2018-ին՝ 57,9 մլն մարդ:

«Հայրենական ֆիլմերի հաջողության գլխավոր բաղադրիչն ակնհայտ որակական աճն է: Մեզ մոտ ուղղակի սկսել են լավ ֆիլմեր նկարահանել: Այդ ֆիլմերն ուղղված են հանդիսատեսին, դրանք պատմում են մարդկանց համար հետաքրքիր հերոսների և իրադարձությունների մասին, հիմնված են պատմամշակութային բարոյական արժեքների վրա»,- ասել է ՌԴ մշակույթի նախարարը: