Արամ Աթեշյանը հրաժարվում է կատարել Էջմիածնում տված խոստումները
Պոլսո Հայոց պատրիարքի տեղապահի պաշտոնում ընտրված Գարեգին արքեպիսկոպոս Բեկչյանը և ընտրություններում պարտված, սակայն Պոլսի Հայոց պատրիարքի տեղապահի պաշտոնում մնացող Արամ Աթեշյանը հանդիպել են Ստամբուլում, ինչի մասին հայտնում է Ստամբուլի հայկական պարբերականներից «Ակօսը»:
Հիշեցնենք, որ փետրվարին Էջմիածնում կայացված որոշման համաձայն՝ մարտի 15-ին Ստամբուլում տեղի ունեցավ Պոլսո Հայոց պատրիարքի տեղապահի ընտրություն: Ընտրությունից հետո, որում համոզիչ հաղթանակ էր տարել Արամ Աթեշյանի հակառակորդ Գարեգին արքեպիսկոպոս Բեկչյանը, անակնկալ կերպով միջամտել էր Ստամբուլի նահանգապետարանը: Ստամբուլի նահանգապետի տեղակալը նախքան պատրիարքարանում ընտրությունների սկսվելը ուղարկել էր գրություն, որն իրավաբանորեն անհնար է համարում պատրիարքական ընտրությունների գործընթացի մեկնարկը: Այս գրությունը Պոլսո Հայոց պատրիարքի տեղապահի ընտրություններից անմիջապես հետո պատրիարքարանի հոգևորականներին է ներկայացրել տեղապահի ընտրություններում պարտված փոխանորդ Արամ արքեպիսկոպոս Աթեշյանը և հայտարարել, որ չի հեռանա տեղապահի պաշտոնից:
Բեկչյանը նախօրեին ժամանել է Ստամբուլ: Նույն օրը Աթեշյանի անմիջական հանձնարարությամբ պատրիարքարանի աշխատակիցների կողմից սկզբում փակվել են եկեղեցու դռները ժողովրդի առաջ, մինչդեռ ժողովուրդը շարունակել է սպասել դռների մոտ, որոնք բացվել են արդեն եկեղեցական խորհրդի նախագահ, եպիսկոպոս Սահակ Մաշալյանի ժամանելուն պես, որն էլ ուղեկցել է ընտրված տեղապահ Բեկչյանին:
Ավելի ուշ կայացած հանդիպման ընթացքում Արամ Աթեշյանը հրաժարվել է ընդունել արքեպիսկոպոս Բեկչյանին` որպես Պոլսո Հայոց պատրիարքի տեղապահ: Հայտնի է նաև, որ հրավիրված ժողովի ընթացքում Աթեշյանը երկու անգամ լքել է ժողովի սենյակը:
«Հանդիպման ընթացքում ես հիշեցրեցի Արամ Աթեշյանին Ամենայն Հայոց Կաթողիկոս Գարեգին Բ-ին տված իր խոստումները, ըստ որի մարտի 15-ից նրա լիազորությունները պետք է դադարեցվեին: Վեհափառի առաջ խոսվել էր, որ այդ հարցը պետք է փակվի և ոչ ոք չէր առարկել: Երբ հիշեցրեցի դա Աթեշյանին` որևէ պատասխան չտվեց», - լրագրողներին պատմել է Բեկչյանը:
Հանդիպման ընթացքում պայմանավորվածություն է ձեռք բերվել պատրիարքարանի կողմից պաշտոնական նամակ կազմել, որն էլ կուղղվի Էջմիածին:
Հիշեցնենք, որ Պոլսո պատրիարք Մեսրոպ Մութաֆյանը կոմայի մեջ է գտնվում 2008թ.-ից և փաստացի չի կարող կատարել պատրիարքի իր լիազորությունները։ Նրա փոխարեն այդ լիազորությունները կատարում էր Արամ արքեպիսկոպոս Աթեշյանը, որն ընտրված է ոչ թե համայնքի, այլ պետության կողմից:
Ստամբուլի հայ համայնքի ներկայացուցիչները տևական ժամանակ է՝ պահանջում էին կայացնել նոր ընտրությունների անցկացման որոշում՝ ցանկանալով իրենց առաջնորդի դերում տեսնել ոչ թե պետության կողմից նշանակված, այլ իրենց ձայների արդյունքում ընտրված անձի:
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Մի դիմում էլ մենք ներկայացրինք. Ալեն Սիմոնյանն ու Անելյա Գուբրյանը ամուսնությունը գրանցելու դիմում ե...
Փրկարարները և ոստիկանները Փամբակ գետում շարունակում են որոնողական աշխատանքները
Հայ դպրոցականների հերթական հաջողությունը
Ցեմենտի ներմուծումը 6 ամսով կսահմանափակվի
Աշխատող ծնողների համար սահմանվում է «ծնողական ժամ»
Ուկրաինայի նախագահն ու Մոսկվայի քաղաքապետը հաստատել են Կապոտնյայի նավթավերամշակման գործարանի հարվածը
Գերմանիայի աշխատաշուկան՝ կադրերի դեֆիցիտի առաջ
Ատակամայի անապատը 20 միլիոն տարով ավելի հին է․ գիտնականները վերաշարադրել են Երկրի ամենաչոր վայրի պատ...