Թուրքիայի բանտերում 76 քուրդ ակտիվիստ և քաղաքական գործիչ անժամկետ հացադուլի մեջ է
Թուրքիայի 6 տարբեր բանտերում անժամկետ հացադուլի մեջ է գտնվում 76 քուրդ քաղաքական գործիչ և ակտիվիստ, այս մասին հայտնում է թուրքական diken.com.tr կայքը` հղում անելով քրդամետ Ժողովրդադեմոկրատական կուսակցության ներկայացրած զեկույցին:
Հայտնի է, որ հացադուլ հայտարարածներից 17-ը կանայք են:
Թուրքիայի տարբեր բանտերում մարտի 15-ից հացադուլ սկսած քրդամետներին ժամանակի ընթացքում միացել են նաև մի շարք այլ ակտիվիստներ, նրանց հիմնական պահանջը բանտային պայմանների բարելավումն ու բանտարկյալների նկատմամբ կիրառվող կտտանքների վերացումն է:
Քուրդ պատգամավորները, Մարդու իրավունքների միության Թուրքիայի գրասենյակն ու Թուրքիայում բանտարկյալների իրավունքներով զբաղվող մի շարք կազմակերպություններ կոչ են անում երկրի իշխանություններին անհապաղ քայլեր ձեռնարկել իրավիճակն է՛լ ավելի չսրելու համար:
Հիշեցնենք, որ օրեր առաջ քրդամետ կուսակցության համանախագահ Սելահաթթին Դեմիրթաշը, որը 2016թ.-ի նոյեմբերից գտնվում է Թուրքիայի Էդիրնեի բանտում, հայտարարել է հացադուլ սկսելու մասին:
Ազատության մեջ գտնվող ևս մի քանի քուրդ քաղաքական գործիչներ առանձին հացադուլ են սկսել քրդական շարժման ղեկավար, թուրքական Իմրալը կղզում ցմահ ազատազրկման մեջ գտնվող Աբդուլլահ Օջալանի բանտային պայմանների բարելավման պահանջով:
Աշխատող ծնողների համար սահմանվում է «ծնողական ժամ»
Մինիոնները վերադառնում են
Ինչպիսի եղանակ է սպասվում այսօր
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մունդիալ-2026․ մեկնարկն արդարացնո՞ւմ է սպասելիքները
Դրամն արժևորվում է՝ գները դրամով թանկանում․ ինչո՞ւ
Էլեկտրաէներգիայի անջատումներ Երևանի 8 վարչական շրջաններում և 9 մարզերում
ՀՀ-ում կացության կարգավիճակ ստանալու գործընթացի շրջանակում մատուցվող ծառայությունները կթվայնացվեն
Եթե քաղաքացին 2026-ին օգտվել է ատամնաբուժական ծառայությունից, 2027-ին կարո՞ղ է ստանալ սոցիալական ծախ...
ԲՀԿ-ն դիմել է ՍԴ՝ վիճարկելու ընտրությունների արդյունքները