Ուկրաինայի նախագահի թեկնածու Զելենսկին ՆԳՆ-ին խնդրել է ընտրությունների երկրորդ փուլից առաջ իրեն պահակազոր տրամադրել

Ուկրաինայի նախագահի թեկնածու Վլադիմիր Զելենսկին դիմել է երկրի Ներքին գործերի նախարարություն ընտրությունների երկրորդ փուլից առաջ իրեն պահակազոր տրամադրելու հարցով: Այս մասին Կիեւում տեղի ունեցած ճեպազրույցում հայտնել է ՆԳ նախարարի խորհրդական Իվան Վարչենկոն, փոխանցում է ՈւՆԻԱՆ-ը:

«Ինչ վերաբերում է թեկնածուների շտաբների հետ փոխգործակցությանը, ապա մինչեւ առաջին փուլը, քարոզարշավի ժամանակ մենք իրականացրել ենք Ուկրաինայի նախագահի 9 թեկնածուների պահպանությունը»,- նշել է Վարչենկոն: «Հիմա նման պահպանության վերաբերյալ դիմել է Ուկրաինայի նախագահի պաշտոնի թեկնածու Զելենսկին»,- հավելել է նա:

Նշենք, որ Ուկրաինայի նախագահի հերթական ընտրությունների երկրորդ փուլը տեղի կունենա 2019 թվականի ապրիլի 21-ին:

Այս թեմայով Դմիտրի Մեդվեդեւը՝ Ուկրաինայի նորընտիր նախագահի մասին Հայտնի է` երբ տեղի կունենա Զելենսկու երդմնակալությունը «Ուկրաինան վերափոխվելու ևս մեկ հնարավորություն ստացավ». Տիմոշենկո Կրեմլը հրաժարվել է շնորհավորել Զելենսկիին հաղթանակի կապակցությամբ Ուկրաինայի նախագահական ընտրություններում հաղթած Զելենսկիի առաջին 7 խոստումները. (տեսանյութ)