Զիդան․ Մեր խաղացողները պետք է ընդունեն իրականությունը եւ չփնտրեն արդարացում

Մադրիդի «Ռեալի» ֆրանսիացի գլխավոր մարզիչ Զինեդին Զիդանը համակրեպվել է մտքի հետ, որ այս մրցաշրջանում հնարավոր չէ հասնել Իսպանիայի առաջնության առաջատար «Բարսելոնային»։ Առաջնության ավարտից 7 տուր առաջ «Ռեալը» «Բարսելոնայից» հետ է 13 միավոր։

«Բարդ իրավիճակ է հիմա «Ռեալում»։ Գիտենք, որ այս մրցաշրջանում ոչ մի տիտղոս չենք նվաճի։ Բարդ է ցուցադրել լավ ֆուտբոլ, երբ ոչ մի տիտղոսի չես հավակնում։ Խաղացողները պետք է ընդունեն իրականությունը եւ չփնտրեն արդարացում։

Թիմն աստիճանաբար դուրս կգա այս իրավիճակից։ Պետք է պարզապես աշխատել եւ ունենալ դրական տրամադրվածություն։ Մնացել է 7 հանդիպում, պետք է շարունակենք պայքարը»,- Զիդանի խոսքը մեջբերում է ESPN-ը։

Երկրորդ տեղում ընթացող Մադրիդի «Աթլետիկոն» «Ռեալի» նկատմամբ ունի 2 միավորի առավելություն։