1 մլն դոլար. Ուկրաինայի Հանրային հեռուստաընկերությունը գնահատել է Զելենսկիի և Պորոշենկոյի միջև բանավեճի կազմակերպման ծախսերը

Ուկրաինայի նախագահի թեկնածուներ Պյոտր Պորոշենկոյի և Վլադիմիր Զելենսկիի միջև Կիևի «Օլիմպիական» մարզադաշտում բանավեճի կազմակերպման ծախսերը կարող են գերազանցել 1 մլն դոլարը, այս մասին հայտնել է Ուկրաինայի Հանրային հեռուստաընկերության ղեկավար Զուրաբ Ալասանիան:

Ինչպես նշում է biz.liga.net կայքը, Ալասանիան պարզաբանել է, որ այժմ տեսարանների մոնտաժի, լույսերի տեղադրման, ինչպես նաև միջոցառման անվտանգությունն ապահովելու հետ կապված տարբերակներ են մշակվում:

Հիշեցնենք, որ նախագահական ընտրությունների առաջին փուլի առաջատար, «Ժողովրդի ծառա» կուսակցության ղեկավար Վլադիմիր Զելենսկին օրեր առաջ տեսաուղերձ էր ձայնագրել, որում առաջարկել էր Ուկրաինայի գործող նախագահ Պյոտր Պորոշենկոյին ընտրությունների երկրորդ փուլից առաջ բանավեճի նպատակով «Օլիմպիական» մարզադաշտում հանդիպում ունենալ: Երկրի ղեկավարն ընդունել էր առաջարկը:

Բանավեճը կհեռարձակվի Ուկրաինայի Հանրային հեռուստաընկերության եթերում:

Երկրի Կենտրոնական ընտրական հանձնաժողովը հայտնել է, որ մարզադաշտում նախագահի թեկնածուների ելույթը կարող է դիտարկվել միայն որպես նախընտրական քարոզարշավի մի տեսակ, այլ ոչ թե օրենքով սահմանված նախընտրական հեռուստաբանավեճ, հետևաբար կողմերն իրենք պետք է հոգան բանավեճի կազմակերպման ծախսերը:

Պորոշենկոյի շտաբից հայտնել են, որ պատրաստ են վճարել մարզադաշտի վարձակալության գումարի կեսը և կոչ արել Զելենսկիին հոգալ ծախսերի մյուս կեսը:

Այս թեմայով Դմիտրի Մեդվեդեւը՝ Ուկրաինայի նորընտիր նախագահի մասին Հայտնի է` երբ տեղի կունենա Զելենսկու երդմնակալությունը «Ուկրաինան վերափոխվելու ևս մեկ հնարավորություն ստացավ». Տիմոշենկո Կրեմլը հրաժարվել է շնորհավորել Զելենսկիին հաղթանակի կապակցությամբ Ուկրաինայի նախագահական ընտրություններում հաղթած Զելենսկիի առաջին 7 խոստումները. (տեսանյութ)