Գլոբալ տաքացումը կարող է վերակենդանացնել Անտարկտիդայի հինավուրց անտառները

2,6-5,3 միլիոն տարի առաջ Երկրի վրա շարունակվում էր համեմատաբար տաք ժամանակաշրջան, որի ընթացքում սկսվել էր կաթնասունների ժամանակակից տեսակների առաջացումը, ներառյալ մարդկային ցեղի առաջին ներկայացուցիչները։ Այն ժամանակ միջին ջերմաստիճանը 2-4°С-ով բարձր էր այժմվանից, իսկ օվկիանոսի մակարդակը բարձր էր 20-25 մետրով։ Սակայն, հնարավոր է, շուտով մենք կտեսնենք թե՛ մեկը, թե՛ մյուսը, քանի որ ածխաթթու գազի պարունակությունը մթնոլորտում այսօր արդեն հասել է այն ժամանակվա մակարդակին՝ հայտնում է Naked-Science-ը։

Այս հարցին է նվիրված եղել Լոնդոնում Թագավորական օդերեւութաբանական միության (RMS) անցկացրած համաժողովը։ Եթե դուք միացնեք վառարանը եւ ջերմաստիճանը 200 դնեք, այն միանգամից չի բարձրանա, այլ ժամանակ կպահանջի։ Նույնը տեղի է ունենում կլիմայի հետ»,- իր ելույթում ասել է գեոֆիզիկոս Մարտին Զիգերտը։ Գիտնականը նշել է, որ արդյունաբերական հեղափոխության դարաշրջանի սկզբից միջին ջերմաստիճանը բարձրացել է 1°С-ով, մթնոլորտում ածխաթթու գազի պարունակությունը 280-ից հասել է 412-ի, ինչը վկայում է առաջիկա հարյուրամյակներում գլոբալ տաքացման շարունակվելու մասին։

Սառույցների հալչելը եւ համաշխարհային օվկիանոսի մակարդակի բարձրացումը ավելի շատ ժամանակ կպահանջի, սակայն գիտնականի կարծիքով՝ շուտով մենք կհասնենք այն կլիմային, որը հիշեցնում է պլիոցենի ժամանակները։ Այն ժամանակներում, ըստ գիտնականների, Անտարկտիդայում, Հարավային բեւեռից 500 կմ հեռու աճում էին լայնատերեւ եւ փշատերեւ անտառներ։ Հետազոտությունները ցույց են տվել, որ ամռանը այստեղ ջերմաստիճանը հասնում էր 5°С՝ ժամանակակից մակարդակից 20-25 աստիճանով բարձր։ Հենց այս ուղղությամբ է մնացած աշխարհի հետ միասին շարժվում Անտարկտիկան այսօր։

Այս թեմայով «Այլմոլորակային» մողեսները հարձակվել են ամերիկացիների վրա Քենիայի արգելոցում լուսանկարիչը ֆիքսել է ընձառյուծների «ակրոբատիկ հնարքները» (լուսանկարներ) Մեդուզային օդ նետող դելֆինը դարձել է համացանցի աստղ (տեսանյութ) WWF-Հայաստանը «Արևիք» ազգային պարկում ընձառյուծ է լուսանկարել Ալյասկայում որմզդեղնը տապից պաշտպանվելու հիանալի միջոց է գտել (տեսանյութ)