Մենք ունեցանք շատ վատ քարոշարշավ՝ իշխանությունների ապօրինությունների պատճառով.Արմեն Մարտիրոսյան (Տեսանյութ)
Այսօր Ազատության հրապարակում «Օհանյան–Րաֆֆի–Օսկանյան» դաշինքի հրավիրած հանրահավաքին ելույթով հանդես եկավ դաշինքի անդամ, «Ժառանգություն» կուսակցության փոխնախագահ Արմեն Մարտիրոսյանը բացման խոսքում հայտարարեց, որ չնայած իշխանությունների կողմից ստեղծված խոչընդոտների կայացավ ժողովրդի առկա աջակցության շնորհիվ:
«Ձեր աջակցությունը պետք է գալու հատկապես երկրում արմատական բարեփոխումներ իրականացնելու համար: Մենք ունեցանք շատ վատ քարոշարշավ ոչ թե մեր վատ աշխատանքի պատճառով, այլ իշխանությունների ապօրինությունների պատճառով: Ամենասկզբից սև քարոզչություն, դրան փոխարինեցին բռնարարքները, սկզբում խոչընդոտի տեսքոեվ հետո արդեն դանակահարություն, ատրճանակի կրակոց, հետո ավտոմատի կրակոց:
Ջրառատ սա էր իշխանությունների գործելաոճը: Տարբեր վայրերում մեր քարոզարշավի մասնակիցներին խոչնդոտում էին, թույլ չտալով իրականացնել օրենքով սահմանված գործունեություն: -ասաց նա, հավելելով, - Բայց այն ինչ իշխանություններն իրականացրեցին «Օհանյան–Րաֆֆի–Օսկանյան» դաշինքի նկատմամբ դա դեռ ծաղիկներն էին: Իշխանությունները նույնիսկ անցան սպանության: Քարոզարշավի ընթացքում մահացավ մեր շատ պայծառ քաղաքացիներից մեկը, քաղաքացի ով աստվածային՝ «Սիրիր մերձավորիդ» սկզբունքը կյանքի ուղեցույց դարձրեց, ով մաքուր էր ջրի պես, ով ջինջ էր երկնքի պես, և ում նկատմամբ իշխանություններն անցան ապօրինությունների բոլոր սահմանները, և իր մահով նա այլևս դարձավ անպարտելի, դարձավ հաղթած քաղաքացի, դարձավ խորհրդանիշ: Խնդրում եմ մեկ րոպե լռությամբ հարգենք Արթուր Սարգսյանի՝ «Հաց բերողի» հիշատակը», - ասաց Արմեն Մարտիրոսյանը:
Արմեն Մարտիրոսյանը նշեց, որ դաշինքի առաջնորդները միավորվել են հայ հասարակությանն այլընտրանք առաջարկելու:
«Որքան էլ իշխանությունները փորձեն խոչընդոտել մեր գործունեությունը և որքան էլ փորձեն ապօրինությունների գնալու, մևնույն է Հայաստանում պետք է իրավիճակ փոխվի, Հայաստանում պետք է տեղի ունենա իշխանափոխություն»:
Արմեն Մարտիրոսյանը ևս մեկ անգամ հիշատակեց Հայաստանում առկա քաղբանտարկյալների խնդիրը:
«Քաղբանտարկյալների թվին ավելացավ ևս մեկ քաղբանտարկյալ Սամվել Բաբայանը: Ազատություն Սամվել Բաբայանին, ազատություն բոլոր քաղբանտարկյալներին»:
Մանրամասները՝ տեսանյութում: