Պորոշենկոյի եկամուտները մեկ տարում աճել են մոտ 100 անգամ
Ուկրաինայի գործող նախագահ Պյոտր Պորոշենկոյի եկամուտները 2018 թվականին, նախորդ տարվա համեմատ, աճել են 95 անգամ և կազմել 1․55 մլրդ գրիվեն ($57 մլն)։ Այս մասին հայտնում են ուկրաինական ԶԼՄ-ները՝ հղում անելով եկամուտների մասին նրա ներկայացրած հայտարարագրին։ Նշվում է, որ նախագահը չի հասցրել ժամանակին լրացնել Կոռուպցիայի կանխարգելման հարցերով ազգային գործակալության կայքի Հայտարարագրերի միասնական ռեեստրում եկամուտների մասին էլեկտրոնային հայտը, ինչի համար նրան պատասխանատվության կենթարկեն։ Փաստաթուղթը պետք է հրապարակվեր մինչև ապրիլի 1-ը, մինչդեռ այն կայքում հայտնվել է 02․30-ին։
Նշվում է, որ նախագահական աշխատավարձը կազմում է 14․7 հազար դոլար։ Մնացած եկամուտները գոյացել են բաժնեմասերից, դիվիդենդներից, պետպարտատոմսերից, սեփականության վաճառքից։