Գործ կա. Տարեկան 66 000 դոլար` աշխարհով մեկ ճամփորդելու եւ նոր կերակուրներ փորձելու համար
Բրիտանական Vibrant Vegan Co. ընկերությունը համի գծով ղեկավարի թափուր աշխատատեղի հայտարարություն է տվել, գրում է Insider-ը:
Աշխատակցից պահանջվում է ճանապարհորդել աշխարհով մեկ՝ Հնդկաստանում, Չինաստանում, Ճապոնիայում, Չիլիում և այլ երկրներում՝ այդպիսով մինչև 4 ամիս անցկացնելով արտերկրում, որտեղ նա պետք է անհայտ ճաշատեսակներ համտեսի:
Աշխատակցի պարտականությունն է գտնել համային նոր և հաջողված համադրություն, որն ընկերությունը կարող է օգտագործել իր սննդարտադրության մեջ:
Աշխատակցից պահանջվում է աշխատել շաբաթական 35 ժամ, իսկ հաջող համային համադրություն գտնելու դեպքում նա պետք է կազմակերպի բաղադրիչների առաքումն Անգլիա:
Յուրաքանչյուր ճամփորդություն կտևի 28 օր, իսկ աշխատանքի դիմաց համտեսողը կվարձատրվի տարեկան 66 հազար դոլարի չափով:
Թափուր պաշտոնին հավակնողների համար, սակայն, հատուկ պայման կա. նրանք պետք է նախևառաջ սննդարտադրության ոլորտում առնվազն 3 տարվա աշխատանքային փորձ ունենան կամ նախկինում աշխատած լինեն որպես շեֆ խոհարար: