Կոմայից դուրս գալով՝ տղամարդը խոսել է օտար լեզվով
Արտասովոր դեպք է տեղի ունեցել 24-ամյա շոտլանդացի Ֆրեյզեր Ուոթի հետ, երբ նա հայտնվել էր կոմայի մեջ ավտովթարից հետո: Ինչպես հաղորդում են օտարերկրյա ԶԼՄ-ները, կոմայից դուրս գալով՝ Ֆրեյզերն, ի զարմանս բժիշկների եւ իր մտերիմների, խոսել է մալայզերեն:
Պարզվել է, որ երիտասարդ տղամարդն իսկապես սովորել է մալայզերեն եւ չինարեն, սակայն դեռեւս մանուկ հասակում, երբ իր ընտանիքի հետ բնակվում էր Բորնեո կղզում: Այնուհետեւ նա 19 տարի բնակվել է հայրենիքում, եւ չի կիրառել իրեն ծանոթ օտար լեզուները:
Կոմայից հետո մալայզերեն խոսելու պատճառը հայտնի չէ: Ի դեպ, այդ արտասովոր ունակությունը տեւել էր ընդամենը 24 ժամ, այնուհետեւ տղամարդը սկսել էր խոսել իր մայրենի լեզվով: