«Նրանք մեզ դրա դիմաց ոչինչ չեն տալիս». Թրամփը դադարեցրել է մի շարք երկրներին օգնության տրամադրման ծրագրերը
Միացյալ Նահանգների կառավարությունը դադարեցրել է Էլ Սալվադորին, Գվատեմալային և Հոնդուրասին տրամադրվող օգնության ծրագրարը, ինչը տեղի է ունեցել այն բանից հետո, երբ նախագահ Դոնալդ Թրամփը լատինամերիկյան պետություններին քննադատել է ներգաղթյալների «քարավանները» դեպի ԱՄՆ ուղարկելու համար:
Ինչպես նշում է Reuters-ը, նախագահը սպառնացել է փակել Մեքսիկայի հետ սահմանը, եթե մեքսիկական իշխանությունները չխոչընդոտեն «քարավանների» ընթացքը:
Մինչդեռ ԱՄՆ Պետդեպի խոսնակը մանրամասնել է, որ նախագահ Թրամփի կարգադրությամբ իրենք ավարտում են նշյալ երեք պետություններին ԱՄՆ օգնության ծրագրերը:
«Մենք այդ երեք երկրին ահռելի քանակությամբ գումար ենք տրամադրում, սակայն դրա դիմաց նրանք մեզ ոչինչ չեն տալիս»,- լրագրողներին ասել է Թրամփը:
Daily Mail-ի տվյալներով՝ խոսքը 500 մլն դոլարի մասին է: