Սաուդյան կառավարությունը մասնակից է եղել Amazon-ի ղեկավարի մերկ սելֆիների հրապարակմանը
Մասնավոր խորհրդատու Գևին դե Բեքերը, որը ներգրավված է Amazon ընկերության ղեկավար Ջեֆ Բեզոսի մերկ լուսանկարների հրապարակման սկանդալի հետ կապված հանգամանքների հետաքննության գործին, հայտարարել է, որ դրան մասնակցել են սաուդյան կառավարության համար աշխատող հաքերներ: Այս մասին գրում է The Daily Beast-ը:
Դե Բեքերի խոսքով՝ այսպիսի եզրահանգման մասին կարելի է խոսել «բարձր աստիճանի վստահությամբ»:
«…Սաուդյան Արաբիայի կառավարությունը շատ է ցանկացել վնասել Ջեֆ Բեզոսին դեռ անցյալ հոկտեմբերից, երբ Washington Post թերթը (որը տնօրինում է Բեզոսը) սկսել է ակտիվորեն լուսաբանել Ջամալ Հաշուկջիի սպանությունը (սպանվել է 2018թ. հոկտեմբերին Սաուդյան Արաբիայի գլխավոր հյուպատոսությունում)»,- հայտարարել է դե Բեքերը: