Մարմնամարզիկ Արթուր Թովմասյանը դարձել է աշխարհի գավաթի խաղարկության արծաթե մեդալակիր

Մարմնամարզության Հայաստանի հավաքականի անդամները երկու մեդալ են նվաճել աշխարհի գավաթի հերթական փուլում:

«Արմենպրես»-ի հաղորդմամբ` Կատարում ընթացող աշխարհի գավաթի խաղարկության փուլում օղակների վարժությունում Արթուր Թովմասյանը հավաքեց 14.833 միավոր և դարձավ արծաթե մեդալակիր: Նույն վարժությունում 14.825 միավորով բրոնզե մեդալակիր դարձավ Վահագն Դավթյանը:
Հայաստանի բազմակի չեմպիոն Հարություն Մերդինյանը նժույգթափերի վարժությունում 5-րդն է:
Հայաստանի ևս մեկ ներկայացուցիչ` Արթուր Դավթյանը հենացատկերի եզրափակչում հանդես կգա մարտի 23-ին: