Հայ լեռնադահուկորդը երկրորդ մեդալն է նվաճել Թուրքիայում

Հայաստանի ազգային օլիմպիական կոմիտեից հայտնում են, որ լեռնադահուկորդ Աշոտ Կարապետյանը բրոնզե մեդալակիր է դարձել Թուրքիայում անցկացվող մրցաշարի հսկա ոլորավայրէջքում:

Հաղորդվում է, որ Փհենչհանի 23-րդ ձմեռային Օլիմպիական խաղերի մասնակիցը 3.49 վայրկյան է հետ մնացել մրցաշարի հաղթողից:

Հայաստանի մյուս ներկայացուցիչներից Հարություն Հարությունյանը զբաղեցրել է 8-րդ, Արսեն Ղազարյանը՝ 12-րդ, Մայիս Եղիազարյանը՝ 25-րդ, իսկ Ժիրայր Առաքելյանը՝ 27-րդ տեղը:

Հիշեցնենք, որ օրեր առաջ հայ լեռնադահուկորդները Թուրքիայում հանդես էին եկել նաև ոլորավայրէջքում: Լավագույն արդյունքը գրանցել էր Աշոտ Կարապետյանը, որը գրավել էր երկրորդ տեղը: