Ես պարզապես արեցի իմ աշխատանքը. Ռոնալդուն` «Ատլետիկոյի» հետ խաղում ձևակերպած հեթ-տրիկի մասին

«Յուվենտուսի» հարձակվող Կրիշտիանու Ռոնալդուն մեկնաբանել է Չեմպիոնների լիգայի 1/8 եզրափակչի` Մադրիդի «Ատլետիկոյի» հետ խաղի արդյունքը (3:0): Այս խաղում պորտուգալացին հեթ-տրիկ է ձևակերպել.

«Ցանկանում էինք այս երեկոն առանձնահատուկ դարձնել, ու մեզ դա հաջողվեց: Ոչ միայն իմ գոլերի, այլև` ամբողջ թիմի գործողությունների շնորհիվ: Հենց այսպիսի տրամադրվածությամբ է պետք խաղալ Չեմպիոնների լիգայում: Մենք պետք է հպարտանանք մեզանով:

Ես պարզապես արեցի իմ աշխատանքը: Շատ ուրախ եմ, որ երեկոն հրաշալի ստացվեց: «Ատլետիկոյի» հետ միշտ բարդ է խաղալը, բայց մենք ամուր թիմ ունենք, ինչն էլ ցույց տվեցինք»,- Ռոնալդուի խոսքերն է փոխանցում ՈւԵՖԱ-ի մամուլի քարտուղարությունը:

Հիշեցնենք` առաջին խաղում «Յուվենտուսը» 0:2 հաշվով պարտվել էր «Ատլետիկոյին»: Այսպիսով, երկու խաղի արդյունքում 1/4 եզրափակիչ է դուրս եկել իտալական ակումբը: