Հայաստանի առաջնություն. «Ալաշկերտը» 10 հոգով հաղթեց «Գանձասար-Կապանին»

Հայաստանի Բարձրագույն խմբի առաջնության 21-րդ տուրում «Ալաշկերտը» հյուրընկալվելիս մրցել է «Գանձաար-Կապանի» հետ և 4:2 հաշվով հաղթանակ տարել:

Հանդիպումը կայացել է Ավանի ֆուտբոլի ակադեմիաի մարզադաշտում:

Արամ Ոսկանյանի սաները հաշվի մեջ առաջ են անցել առաջին իսկ րոպեին. Ալեքսանդր Պրուդնիկովն անվրեպ է իրացրել Ուրոշ Նենադովիչի վաստակած 11-մետրանոցն ու բացել հաշիվը: Ավեի ուշ, Պրուդնիկովը դուբլ է ձևակերպել: «Գանձասար-Կապանի» կազմում Չուլան է 12-րդ րոպեին հավասարեցրել հաշիվը:

«Ալաշկերտի» ֆուտբոլիստներին հաջողվել է հաղթողի կագավիճակում գնալ ընդմիջման. առաջին կեսին ավելացրած 3-րդ րոպեին Մլադեն Զելկովիչը գրավել է Գևորգ Կասպարովի պաշտպանած դարպասն ու հաշիվը դարձրել 2:1: Իսկ երկրորդ կեսի մեկնարկում Դանիլո Սեկուլիչը երրորդ գնդակն է ուղարկել կապանյան թիմի դարպասն ու ամրապնդել իր թիմի առավելությունը:

«Գանձասար-Կապանի» կազմում ևս մեկ գնդակ հետ բերեց Գեղամ Հարությունյանը` աչքի ընկնելով խաղի 71-րդ րոպեին, սակայն ավելին անել Աշոտ Բարսեղյանի սաներին անել չհաջողվեց:

Նշենք` 65-րդ րոպեին «Ալաշկերտի» կազմում կարմիր քարտ է ստացել ու հեռացվել դարպասապահ Օգնյեն Չանչարևիչը: Նրա փոխարեն խաղադաշտ է դուրս եկել Հենրի Ավագյանը: Իսկ հիմնական ժամանակին ավելացրած առաջին րոպեին «Ալաշկերտի» կազմում այս խաղում իր երկրորդ գոլն է հեղինակել Ալեքսանդր Պրուդնիկովը` անհատական փայլուն անցումներից հետո գնդակն ուղարկելով Գևորգ Կասպարովի պաշտպանած դարպասն ու ձևակերպելով հանդիպման վերջնահաշիվը:

Այս հաղթանակի շնորհիվ «Ալաշկերտն» իր միավորների թիվը հասցրել է 36-ի և ամրապնդվել մրցաշարային աղյուսակի առաջին հորիզոնականում: Իսկ «Գանձասար-Կապանը», որն իր ակտիվում 22 միավոր ունի, գտնվում է 7-րդ տեղում: