Նեյմարը հաճոյախոսել է «Ռեալին»

Ֆրանսիական ՊՍԺ-ի բրազիլացի հարձակվող Նեյմարը մեկնաբանել է Մադրիդի «Ռեալ» տեղափոխվելու մասին լուրերը:

«Արդյո՞ք ցանկանում եմ խաղալ «Ռեալում». դա աշխարհի մեծագույն ակումբներից է: Յուրաքանչյուր ֆուտբոլիստ, որին ասոցացնում են «Ռեալի» հետ, ուրախ կլինի խաղալ այդ ակումբում: Սակայն ես չեմ ասում, որ ցանկանում եմ խաղալ «Ռեալում», պահպանեք հանգստություն: Ես երջանիկ եմ Փարիզում, սակայն ոչ ոք չգիտի, թե ինչ է ինձ սպասվում ապագայում:

«Ռեալը» հրաշալի ակումբ է, լավագույններից մեկն աշխարհում: Ես լիովին հարգում եմ այդ ակումբը, սակայն այս պահին ինձ տեսնում եմ Փարիզում: Միշտ ձգտել եմ խաղալ «Բարսելոնայում», եւ դա իմ երազանքն էր: Զգում եմ, որ հասել եմ իմ նպատակին»,- 27-ամյա բրազիլացու խոսքը մեջբերում է globo.com-ը:

Հիշեցնենք, որ Նեյմարը 2013-2017 թվականներին խաղացել է «Բարսելոնայում» եւ ՊՍԺ է տեղափոխվել 222 միլիոն եվրոյի դիմաց։