Անգլիայում շատ բարդ է լավագույն քառյակում լինել. Մաուրիցիո Սարի
«Չելսիի» գլխավոր մարզիչ Մաուրիցիո Սարին կարծիք է հայտնել, որ Անգլիայում հաջողությունների հասնելը շատ բարդ է:
«Այժմ ես շատ լավ եմ հասկանում, որ Անգլիայում շատ բարդ է լավագույն քառյակում լինել: Պրեմիեր լիգան շատ բարդ և մրցունակ առաջնություն է: Եվ ոչ միայն Պրեմիեր լիգան: Մենք մասնակցում ենք Անգլիայի Գավաթին, Լիգայի Գավաթին, որտեղ յուրաքանչյուր հանդիպում նախորդից բարդ է ստացվում:
Լիգայի Գավաթում մենք խաղացինք «Լիվերպուլի» և «Տոտենհեմի» հետ, հետո «Մանչեսթեր Սիթիի» հետ եզրափակիչն էր... Սա նման է Չեմպիոնների լիգային: Եթե դուք հաղթում եք «Լիվերպուլին», ապա «Տոտենհեմին», կարող եք մասնակցել Չեմպիոնների լիգայի եզրափակչի:
Բոլոր խաղերը շատ կարևոր են և էներգիա են խլում: Ռիսկ կա, որ մրցաշրջանի այս կարևորագույն հատվածում թիմը հոգնած կլինի, բայց ավելի շատ հոգեբանորեն, քան ֆիզիկապես: Կրկնում եմ՝ Անգլիայում իսկապես բարդ է:
Շատ լավ հասկանում եմ, որ «Չելսիի» նպատակը Չեմպիոնների լիգա վերադառնալն է: Անչափ ուրախ կլինեմ, եթե կարողանանք նման արդյունքի հասնել: Իմ բախտը բերել է, որ ժամանակին կարողացել եմ «Նապոլիին» վերադարձնել Չեմպիոնների լիգա: Ակումբի պատմության մեջ առաջին անգամ մենք երեք անգամ անընդմեջ մասնակցեցինք Չեմպիոնների լիգային: Շատ եմ ցանկանում նմանատիպ հաջողության հասնել նաև «Չելսիում»»,- Սարիի խոսքերը մեջբերել է Goal.com-ը:
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Սիրո անունը Հայաստան է
Ընթանում է Գարեգին Բ-ի և 6 եպիսկոպոսի գործով դատական նիստը
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Հակակոռուպցիոն դատարանում շարունակվել է «Մարտի 1»-ի գործով դատավարությունը
ՀՀ անկախության տոնին նվիրված համերգը՝ Հանրապետության հրապարակում (տեսանյութ)
Սյունիքի մարզի քրեական ոստիկանները Սիսիան քաղաքի բնակիչների տանը ապօրինի զենք-զինամթերք և թմրամիջոց ...
Երթևեկության կազմակերպման փոփոխություն՝ Վարդանանց փողոցում
Սպիտակ տունը գործարկել է Trump TV-ն