Սաուդյան Արաբիայի արքայազնը ցանկանում է 3,8 մլրդ ֆունտ ստելինգով գնել «Մանչեսթեր Յունայթեդ» ակումբը

Սաուդյան Արաբիայի գահաժառանգ արքայազն Մուհամմադ իբն Սալմանը մտադիր է ձեռք բերել անգլիական Պրեմիեր լիգայում հանդես եկող «Մանչեսթեր Յունայթեդ» ակումբը:

Ինչպես հաղորդում է The Sun-ը, թագավորական ընտանիքի անդամը կարող է «կարմիր սատանաներին» գնել 3,8 մլրդ ֆունտ ստերլինգով: Սաուդացի արքայազնը մտադիր է գործարքն ավարտին հասցնել մինչև հաջորդ մրցաշրջանի մեկնարկը:

Հաջողության դեպքում ֆուտբոլային ակումբի ներկայիս սեփականատերերը՝ ամերիկացի գործարարներ Գլեյզերները, կստանան 2,2 մլրդ ֆունտ ստերլինգ՝ որպես մաքուր եկամուտ ակտիվների վաճառքից:

Աղբյուրն ընդգծում է, որ Գլեյզերները չէին պատրաստվում վաճառել իրենց ակումբը, սակայն ներկայում չի բացառվում, որ կարող են համաձայնել արքայազնի գրավիչ առաջարկին: