ԱՄՆ-ում խիստ սառնամանիքի պատճառով խնձորները սառցակալել են (լուսանկարներ)
ԱՄՆ Միչիգան նահանգի Սպարտա գյուղի շրջակայքում «սառցապատ խնձորներ» են նկատվել:
Ինչպես հայտնում է Fox News-ը, արտասովոր երևույթն առաջին անգամ նկատել է տեղի բնակիչ Էնդրյու Սիետսեման, որը գնացել էր իր այգու ծառերը խնամելու:
Ավելի ուշ նա ֆեյսբուքյան իր էջում տեղադրել է ապակենման խնձորների լուսանկարները՝ դրանց «ուրվական խնձորներ» անվանելով:
«Այնքան ցուրտ է, որ խնձորների վրայի սառույցը դեռ չէր հալվել, սակայն ներսից դրանք լրիվ փափկել էին, և երբ ծառը ցնցում էի, խնձորները թափվում էին ապակե գնդերի տակից»,- ասել է Էնդրյուն:
