Վենեսուելայի նախագահը «պատերազմ է հայտարարել» հացթուխներին
Վենեսուելայի նախագահ Նիկոլաս Մադուրոյի կառավարությունը կարգադրել է ալյուրի 90 տոկոսը տրամադրել հաց թխելուն, իսկ մնացած 10 տոկոսը՝ տորթերի և քաղցրավենիքի արտադրությանը, ինչի պատճառը երկրի տնտեսական ճգնաժամն ու «հացի պատերազմի» սրացումն է: Այս մասին հայտնում է Newsweek-ը:
Կառավարության պնդմամբ` հացի պակասի միակ պատասխանատուները հացի փռերն են, որոնք մեղադրվում են անձնական եկամուտ ստանալու նպատակով ապրանք արտադրելու համար` անտեսելով հաճախորդների հիմնական պահանջները:
Հայտնի է, որ Վենեսուելայում հացի գինը գտնվում է կառավարության վերահսկողության տակ:
Մադուրոն հայտնել է, որ տեսուչները կուղղվեն մայրաքաղաք Կարակասի 709 փռատուն: Սահմանված կանոններին հետևելու հնարավորություն չունեցողներին սպառնացել են տուգանքներով և գույքի բռնագրավմամբ:
«Սպեկուլյանտները, ովքեր ժողովրդից թաքցնում են հացը, կբախվեն հետևանքների: Նրանք պատասխան կտան ամեն ինչի համար, խոստանում եմ: Հացի պատերազմի համար պատասխանատու անձինք ավելի լավ է չբողոքեն, որ իրենք դարձել են քաղաքական հետապնդման օբյեկտ», - հայտնել է Մադուրոն:
Աղբյուրի հաղորդմամբ` երկրի հացթուխների ֆեդերացիաներից մեկը պնդում է, որ ի վիճակի չէ ավելի շատ հաց արտադրել՝ առանց լրացուցիչ ալյուրի:


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Նեմցովի սպանության համար դատապարտվածները բանտից հայտնվել են Չեչնիայում․ «Проект»
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ