ԱՄՆ կոնգրեսականները դատապարտել են Արցախի եւ Հայաստանի դեմ Ադրբեջանի ագրեսիան
ԱՄՆ Կոնգրեսի անդամները Սումգայիթում, Կիրովաբադում եւ Բաքվում ջարդերի տարելիցի առիթով դատապարտել են Արցախի եւ Հայաստանի դեմ Ադրբեջանի ագրեսիան, հայտնում է ԱՄՆ Հայդատի գրասենյակը (ANCA):
«Եթե մենք հույս ունենք ապագայում կասեցնել սպանդը, պետք է ճանաչենք այդ սարսափելի իրադարձությունները եւ դրանց կրկնողություն թույլ չտանք»,- հայտարարել է կոնգրեսական Բրեդ Շերմանը: «Մենք պետք է Ադրբեջանին համառորեն կոչ անենք դադարեցնել սպառնալիքները եւ Լեռնային Ղարաբաղի դեմ ուժի կիրառումը, մենք պետք է ակտիվորեն հետեւենք եւ դատապարտենք Ադրբեջանի կողմից հրադադարի ռեժիմի խախտումները»,- հավելել է նա:
Կոնգրեսում հայկական հարցերով կոմիտեի համանախագահ Ֆրենկ Փալոնն, իր հերթին, հայտարարել է, որ իրենք շարունակում են ջանքեր գործադրել, որ Սումգայիթի ջարդերի զոհերին հիշեն եւ «դատապարտեն բռնության ցակացած ակտ՝ ուղղված մարդկանց, որոնք թիրախում են հայտնվում միայն այն պատճառով, որ գոյություն ունեն»:
Ադամ Շիֆն իր հայտարարության մեջ, որը ներկայացրել է Կոնգրեսում գրանցելու համար, իր գործընկերներին հիշեցրել է, որ «Սումգայիթի սպանդը եւ էթնիկ հայերի վրա հաջորդ հարձակումները հանգեցրել են Ադրբեջանում ժամանակին բարգավաճող 450-հազարանոց հայ բնակչության փաստացի անհետացմանը, որի գագաթնակետը դարձավ Լեռնային Ղարաբաղի ժողովրդի դեմ պատերազմը»: Նա միջազգային հանրությանը դարձյալ կոչ է արել արձագանքել Ադրբեջանի ագրեսիվ վարքագծին՝ «հրադադարի խախտումների միջազգային մոնիթորինգի մեխանիզմների տեղակայման միջոցով»:
«Այս պարզ քայլերից Ադրբեջանի հրաժարվելը շատ բանի մասին է վկայում, սակայն կարծում եմ, որ նրանք չպետք է խոչընդոտեն Լեռնային Ղարաբաղում այս տեխնոլոգիաների ներդրմանը: Սումգայիթի իրադարձությունների տարելիցը հիշեցում է հետեւանքների մասին, երբ ագրեսիան եւ ատելությունը անվերահսկելի են դառնում»,- հայտարարել է Շիֆը:


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Նեմցովի սպանության համար դատապարտվածները բանտից հայտնվել են Չեչնիայում․ «Проект»
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ