Հայաստանն ուզում է ԵՏՄ-ում իր խոսքն ասել բաստուրմայի մասին
Հայաստանի ստանդարտների ազգային ինստիտուտն ուզում է մասնակցել բաստուրմայի անվտանգության մասին ԵՏՄ տեխնիկական կանոնակարգի մշակմանը։ Այս մասին NEWS.am–ի թղթակցին հայտնել է Ստանդարտների ազգային ինստիտուտի փոխտնօրեն Գեւորգ Նազարյանը։
Իհարկե, շատ արտադրողներ կան նաեւ Ռուսաստանում եւ Ղազախստանում (որտեղ բաստուրման ձիու մսից են պատրաստում-խմբ)։ Բայց պետք է, որ այդ բոլոր մթերքները միասնական ստանդարտ ունենան՝ եթե ոչ բաղադրության ապա անկասկած՝ անվտանգության հարցում։ Որքան էլ տարբեր լինեն բաստուրմայի բաղադրատոմսերը, դրա անվտանգությանը ներկայացվող պահանջները պետք է նույնը լինեն։ Քանի որ սպառողը, լինի Նիժնի Նովգորոդում, Ակյուբինսկում թե Գոմելում, պետք է իմանա, որ գնում է անվտանգ մթերք․ հավելեց Նազարյանը։
Անվտանգության միասնական տեխնիկական կանոնակարգի առկայության դեպքում հնարավոր կլինի բաստուրման Հայաստանից անարգել արտահանել ԵՏՄ մյուս երկրներ, նկատեց Նազարյանը։
«Քանի որ դա մեր ազգային մսամթերքներից է, մենք մասնակցում ենք այդ ստանդարտի մշակմանը, որպեսզի այնտեղ արտահայտենք նաեւ մեր արտադրողների պրակտիկան»,- հավելեց նա։
Հիշեցնենք, որ տարեվերջին Հայաստանի տնտեսական զարգացման ու ներդրումների նախարար Սուրեն Կարայանը հայտնել էր, որ Հայաստանը ԵՏՄ-ին է ներկայացրել առաջարկներ՝ ազգային արտադրանքի չափանիշների մասին։ Հայկական կողմն առաջարկել է ազգային արտադրանքի որակի իր չափանիշները։Խոսքը կոնյակի, բաստուրմայի, սուջուխի, Նարինե պրոբիոտիկի, մածունի մասին է ։ Դա թույլ կտա նշված մթերքների ստանդարտները համաձայնեցնել ԵՏՄ սանիտարական պահանջներին։


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Նեմցովի սպանության համար դատապարտվածները բանտից հայտնվել են Չեչնիայում․ «Проект»
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ