Արայիկ Հարությունյանի վտանգավոր խաղերը

Նոր ուսումնական տարում դպրոցի ավարտական դասարանների բոլոր աշակերտները կհանձնեն միասնական քննություններ: Այս մասին օգոստոսի 21-ին Արմավիրի մարզպետարանում 2018-2019 ուսումնական տարվա նախապատրաստական աշխատանքներին նվիրված քննարկման ժամանակ նշել է ԿԳ նախարար Արայիկ Հարությունյանը:

«Շատ մեծ է հավանականությունը, որ բոլոր ավարտական քննությունները լինելու են միասնական եւ վերահսկվելու են ԳԹԿ-ի կողմից: Այսինքն՝ ավարտական քննություններին բոլոր աշակերտները պետք է պատրաստ լինեն բոլոր առարկաներից հանձնել Ա մակարդակի միասնական քննություններ: Սա կլինի արդյունքի միասնական ամփոփում, որպեսզի մենք վերջապես ստանանք կրթության արդյունքի իրական պատկերը: Նախարարությունը տնօրենից պահանջելու է պատասխանատվություն՝ կրթության արդյունքի համար»,- նշել է նախարարը՝ նկատելով, որ միասնական քննություններ հանձնելու դեպքում պետք է սպասել ավելի ցածր գնահատականների, բայց դա նաեւ խթան կհանդիսանա, որպեսզի տնօրենները շահագրգիռ լինեն դպրոց ընդունել բարձրակարգ մասնագետների:

Այսպիսով, նախարար Հարությունյանը, պաշտոնավորելով ընդամենը հարյուր օր, ոչինչ չանելով գիտության եւ կրթության զարգացման համար, պահանջում է, որ աշակերտները բոլոր առարկաներից, ուշադիրություն դարձրեք՝ բոլոր առարկաներից հանձնեն Ա մակարդակի քննություն:

Իսկ ԳԹԿ-ի վերահսկողությունը միայն թուլացնում է դպրոցը, ուսուցչին եւ տնօրենին եւ թե ինչ է կլինի, եթե նախարարի խաղերը շժարունակեվեն, արդեն իսկ պարզ կդառնա շատ շուտով:

Եւ մի հարց, ինչու պետք է ավարտական դասարանի բոլոր աշակերտները քննություն հանձնեն Ա մակարդակով հենց բոլոր առարկաներից:

Մնում է հերթական անգամ շեշետենք՝ աշակերտները, ուսուցիչները փորձարարական գորտեր կամ ճագարներ չեն, որ նրանց վրա անդադար տարատեսակ փորձեր իրականացվեն:

Ամենացավալին այն է, որ որ ոչ մի ուսուցիչ չի հանդգնում ասել՝ պարոն նախարար այս ի՞նչ փորձեր եք անում:

Վարդուհի Հարությունյան

Top-News.am