Կիմ Չեն Ընը մտադիր է հյուսիսկորեական փորձարարական միջուկային վարժարանը փակել մայիսին. Սեուլ

Հյուսիսային Կորեայի առաջնորդ Կիմ Չեն Ընը մտադիր է մայիսին փակել հյուսիսկորեական փորձարարական միջուկային վարժարանը, ինչպես նաեւ արդյունքները ներկայացնել ԱՄՆ եւ Հարավային Կորեայի փորձագետներին ու լրագրողներին: Այս մասին հայտնել է Հարավային Կորեայի առաջնորդ Մուն Չժե Ինի ներկայացուցիչը՝ վկայակոչելով անձամբ Կիմ Չեն Ընի հայտարարությունը: Հյուսիսային Կորեայի առաջնորդն այս մտադրության մասին հայտարարել էր իր հարավակորեացի գործընկերոջ հետ վերջերս կայացած հանդիպման ժամանակ, փոխանցում է DW-ն:

Դրանից զատ, Կիմ Չեն Ընն իբր հայտարարել է, որ ԱՄՆ նախագահ Դոնալդ Թրամփը կհասկանա, որ հյուսիսկորեացի առաջնորդն «այն մարդը չէ», որը հրթիռներ կարձակի ԱՄՆ ուղղությամբ: Հյուսիսային Կորեայում հնարավոր այլ փոփոխությունների թվում է Հարավային Կորեայի հետ ժամի համաժամանակացումը: 2015 թվականին Փհենյանը ստեղծել էր սեփական ժամային գոտի, որը հարավկորեական ժամից կես ժամ հետ է:

Ապրիլի 27-ին սահմանամերձ Փհանմունջոմ գյուղում բարձր մակարդակով կորեա-կորեական հանդիպման ժամանակ Կիմ Չեն Ընը եւ Մուն Չժե Ինը համաձայնություն են ձեռք բերել Կորեական թերակղզու ամբողջական ապամիջուկայնացման, նաեւ պատերազմական վիճակի պաշտոնական ավարտի շուրջ, որի մեջ են 1950-ական թվականների սկզբից՝ կորեական հակամարտության տարիներից:

Այս թեմայով ԱՄՆ նախագահը նոր նամակ է ստացել Կիմ Չեն Ունից Կիմ Չեն Ընը Թրամփի հետ հանդիպելու վճռական մտադրության մասին է հայտնել Թրամփը Կիմ Չեն Ընի հետ հանդիպումը «առանձնահատուկ» է համարում Պոմպեոն հայտարարել է Հյուսիսային Կորեայի հարցում առաջընթացի իրական հնարավորության մասին Կիմ Չեն Ընը ցանկանում է քննարկել Ճապոնիայի հետ հարաբերությունների կարգավորման հարցը