Հայաստան այցելելուց հետո ԵԽԽՎ դիտորդական առաքելությունը հայտարարություն է տարածել
Եվրոպայի խորհրդի խորհրդարանական վեհաժողովի պատվիրակությունը, որը փետրվարի 22-23-ին դիտորդական առաքելությամբ գտնվում էր Հայաստանում, հրապարակել է հայտարարություն։
Պատվիրակությունը, ինչպես Վենետիկի հանձնաժողովը, կարծում է, որ Հայաստանում ընտրական օրենսդրությունը բարեխղճորեն կիրառելու և քաղաքական կամք դրսևորելու դեպքում հնարավորություն է տալիս անցկացնել ազատ ու ժողովրդավարական ընտրություններ։
Պատվիրակությունը համարում է, որ նոր Ընտրական օրենսգիրքը դեռևս շատ բարդ է հանրության կողմից հասկացվելու համար։
Նշվում է նաև, որ նոր տեխնոլոգիաները միտված են կանխելու խախտումները ընտրության օրը, ինչը, սակայն, ըստ պատվիրակության, չպետք է դիտարկվի որպես վստահության փոխարինող։
«Պատվիրակությունը հույս ունի, որ ընտրության օրը տեղական ու միջազգային դիտորդները հնարավորություն կունենան ազատորեն դիտարկել ընտրությունները՝ առանց ընտրատեղամասից դուրս հանվելու վախի՝ խախտումները մատնացույց անելու դեպքում։ «Սուտ մատնության» ու լրատվամիջոցին ուղղված իր աղբյուրի բացահայտման պահանջը պետք է վերացնել, և բոլոր նրանք, ովքեր պատասխանատու են ցանկացած տեսակի խախտման համար քարոզարշավի կամ ընտրության օրը, պետք է ենթարկվեն խիստ պատժի»,-ասվում է հայտարարության մեջ։
ՀՀ–ում տեղի ունեցած հանդիպումների ժամանակ պատվիրակությանն ասել են, որ գոյություն ունի սոցիալական պասիվություն, ինչի առումով էլ ընդգծվում է, որ ի շահ հայ հասարակության՝ շատ կարևոր է, որ վերականգնվի հանրային վստահությունը ժողովրդավարական ընտրական գործընթացի նկատմամբ։
Ըստ ՀՀ ժամանած պատվիրակության՝ Հայաստանի քաղաքական մշակույթը դեռևս զարգացման կարիք ունի, քանի որ քաղաքականությունը կապված է անձերի, այլ ոչ թե գաղափարախոսությունների ու քաղաքական ծրագրերի հետ։
7or.am


















































Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՊԵԿ-ը պարզաբանում է տարածել (տեսանյութ)
Հաղթենք դիաբետը միասին
Նեմցովի սպանության համար դատապարտվածները բանտից հայտնվել են Չեչնիայում․ «Проект»
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
Թուրքիայում ռազմական ուղղաթիռի կործանման հետևանքով 4 զինծառայող է մահացել
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ