Մոուրինյոն դեմ չէ Ռունիի տեղափոխությանը Չինաստան
«Մանչեսթեր Յունայթեդի» գլխավոր մարզիչ Ժոզե Մոուրինյոն անդրադարձել է անգլիացի հարձակվող Ուեյն Ռունիի՝ Չինաստանից ստացած աներեւակայելի առաջարկին։ Ավելի վաղ հայտնի էր դարձել, որ չինական ակումբներից մեկը 31-ամյա ֆուտբոլիստին առաջարկում է շաբաթական մեկ միլիոն ֆունտ ստերլինգ աշխատավարձով պայմանագիր:
«Ըտրությունը նրանն է։ Չեմ սիրում քննադատել նրանց, ովքեր տեղափոխվում են Չինաստան։ Այնտեղ վճարում են մեծ գումարներ։ Բացի այդ, այդ փորձը կարող է հետաքրքիր լինել։ Նրա հետ երբեք չեմ զրուցել այդ թեմայով։ Կարծում եմ՝ նա դեռ կարող է օգտակար լինել մեր թիմին, սակայն որոշ մակարդակի նվաճումների հասնելուց հետո կարող ես ինքդ որոշել, թե ինչպես շարունակես կարիերադ»,- Մոուրինյոյի խոսքը մեջբերում է The Independent-ը։
Անգլիայի հավաքականի ավագը 2004 թվականից է հանդես գալիս մանչեսթերյան ակումբում, որի կազմում մասնակցել է Անգլիայի ընթացիկ առաջնության 16 խաղի եւ դարձել 2 գոլի ու 5 գոլային փոխանցման հեղինակ։ Վերջերս Ռունին գերազանցեց անգլիացի լեգենդար հարձակվող Բոբի Չարլթոնի ռեկորդը եւ 250 գոլով դարձավ «Մանչեսթեր Յունայթեդի» պատմության լավագույն ռմբարկուն։ Անգլիական ակումբում նա ստանում է շաբաթական 300 հազար ֆունտ ստերլինգ աշխատավարձ։
Հիշեցնենք, որ Ռունին նաեւ Անգլիայի ազգային հավաքականի պատմության լավագույն ռմբարկուն է եւ այդ ցուցանիշով եւս գերազանցել էր Բոբի Չարլթոնի ռեկորդը:
Լույսն ամենաթանկ նվերն է, որ կարող ես տալ մարդուն
Դեպի Երևան․ ինչպե՞ս (տեսանյութ)
Շարունակում ենք ստուգայցերը ՊՆ զորամասեր (տեսանյութ)
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Z համաշխարհային պատերազմը վերադառնում է
Առաջին նոր երգ` հարսանիքից հետո
Ով կներկայացնի Հայաստանն այս տարի «Մանկական Եվրատեսիլ» մրցույթում
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Առանձին շրջաններում սպասվում է կարճատեւ անձրեւ եւ ամպրոպ
Երթևեկության կազմակերպման փոփոխություն՝ Վարդանանց փողոցում