«Բարսելոնան» կփորձի «Արսենալից» վերադարձնել իր ակադեմիայի սանին

«Բարսելոնան» ամառային տրանսֆերային պատուհանի ժամանակ կանի հնարավոր ամեն ինչ Լոնդոնի «Արսենալից» իսպանացի Էկտոր Բելյերինին վերադարձնելու համար, հաղորդում է mundodeportivo-ն: Իսպանիայի ազգային հավաքականի 21-ամյա պաշտպանը կատալոնական ակումբի ակադեմիայի սան է եւ «Բարսելոնայի» երիտասարդական թիմերում հանդես է եկել 2003-2011 թվականներին, ինչից հետո տեղափոխվել է Անգլիա: Ընթացիկ մրցաշրջանում գերազանց խաղ ցուցադրող Բելյերինը հինգ տարվա նոր պայմանագիր է կնքել «Արսենալի» հետ:

Բրազիլացի Դանի Ալվեսի հեռանալուց հետո «Բարսելոնայի» պաշտպանության աջ եզրում խնդիրները չեն լուծվում: Իսպանացի Սերխի Ռոբերտոն աջ պաշտպան չէ, սակայն ժամանակի մեծ մասն անցկացնում է հենց այդ դիրքում եւ բազմաթիվ սխալներ է թույլ տալիս՝ արժանանալով «Բարսելոնայի» երկրպագուների սուլոցներին:

news.am

Այս թեմայով Բարսելոնայի խայտառակ հաղթանակը եւ Չավիի հայհոյանքը «Բարսելոնայի» գլխավոր մարզիչի 5 թեկնածուներ «Ռեալն» եւ «Բարսելոնան» հաղթեցին, բայց առաջինը «Ռեալն» է «Բարսելոնան» Մեսիին առաջարկել է տարեկան 40 միլիոն եվրո աշխատավարձ