Չեմպիոնների լիգայում երբեք այսպես չէր եղել

Ֆուտբոլի Չեմպիոնների լիգայի խաղարկության 1/8-րդ եզրափակիչում կայացավ եւս երկու հանդիպում:

Խաղերից մեկը կայացավ Մանչեսթերում, իսկ մյուսը՝ Լեւերկուզենում: Մանչեսթերում խփվեց ութ, իսկ Լեւերկուզենում՝ վեց գոլ:

Երբեք Չեմպիոնների լիգայի խաղարկությունում այսքան արդյունավետ օր չէր եղել: Երկու խաղում խփվեց 14 գոլ: Ընդ որում, մինչեւ վերջին վայրկյանները ընթանում էր լարված պայքար եւ Մանչեսթերում եւ Լեւերկուզենում:

«Մանչեսթեր Սիթին» մեկ հաղթում էր, մեկ պարտվում «Մոնակոյին»: Ի վերջո հանդիպումն ավարտվեց ջրագնդակային հաշվով՝ 5:3:

Դաշտի տերերից երկու անգամ գոլի հեղինակ դարձավ Ագուերոն, իսկ մեկական անգամ աչքի ընկան Սթերլինգը, Սթոնսը եւ Սանեն: Հյուրերից երկու գոլի հեղինակ դարձավ Ֆալկաոն, իսկ մեկ գոլ էլ խփեց 18-ամյա Մբապե Լոտինը:

Լեւերկուզենում «Բայերը» 4:2 հաշվով պարտվեց «Ատլետիկոյին»: Դաշտի տերերից գոլի հեղինակ դարձավ Բելարաբին, իսկ Սավիչը դարձավ ինքնագոլի հեղինակ: «Ատլետիկոյից» գոլերը խփեցին Սաուլը, Գրիզմանը, Գամեյրոն եւ Տորեսը:

Top-News.am 

Այս թեմայով «Բավարիան» եւ «Ռեալը» մեկը մյուսից դաժան գտնվեցին (Տեսանյութ) ՊՍԺ-ն հիմա պարտավոր է ամուսնանալ «Բարսելոնայի» հետ (Տեսանյութեր)