Բարձրագույն դատական խորհրդի անդամներն ընտրվեցին

Բարձրագույն դատախան խորհրդի 5 անդամներն ընտրվեցին:

Այսօր՝ փետրվարի 28-ին, խորհրդարանում կայացրած փակ գաղտնի քվեարկության արդյունքներով՝ ԲԴԽ-ի առաջին պաշտոնում առաջադրված՝ Սահմանադրական դատարանի նախագահ Գագիկ Հարությունյանը ստացել է 96 կողմ եւ 2 դեմ ձայն: Երկրորդ պաշտոնում առաջադրված՝ արդարադատության նախկին նախարար Գեւորգ Դանիելյանը ստացել է 90 կողմ եւ 7 դեմ ձայն: Երրորդ պաշտոնում առաջադրված՝ ԵՊՀ քաղաքացիական իրավունքի ամբիոնի դոցենտ, գիտությունների թեկնածու Լիպարիտ Մելիքջանյանը ստացել է 82 կողմ եւ 15 դեմ ձայն: 4-րդ առաջադրված փաստաբան Հայկ Հովհաննիսյանը ստացել է 86 կողմ եւ 11 դեմ ձայն, իսկ 5-րդում առաջադրված Երեւանի պետական համալսարանի քաղաքացիական դատավարության ամբիոնի վարիչ, իրավաբանական գիտությունների թեկնածու Սերգեյ Մեղրյանը ստացել է 87 կողմ եւ 10 դեմ ձայն:

Քվեարկության արդյունքների հրապարակումից հետո խորհրդարանում տեղի ունեցավ ԲԴԽ անդամների երդման արարողությունը:

Լուրեր Հայաստանից - NEWS.am