Իրանը պատրաստ է ավելացնել Հայաստանին մատակարարվող գազի ծավալները․ նախարար
Իրանը պատրաստ է ավելացնել Հայաստանին մատակարարվող գազի ծավալները: Այս մասին փետրվարի 27-ին Երեւանում անցկացվող հայ-իրանական միջկառավարական հանձնաժողովի 15-րդ նիստի շրջանակներում լրագրողներին հայտարարել է Իրանի էներգետիկայի նախարար Ռեզա Արդաքանիանը:
Իրանցի նախարարը չի պատասխանել հարցին, թե ինչ գնով է Իրանը Հայաստանին գազ առաջարկում, եւ չի մեկնաբանել նաեւ Երեւանում Իրանի Իսլամական Հանրապետության դեսպան Սեյեդ Քազեմ Սաջադիի՝ ավելի վաղ արված հայտարարություններն այն մասին, որ Իրանը պատրաստ է Երեւանին գազ վաճառել հարմար գներով։ Ռեզա Արդաքանիանը չի նշել նաեւ, թե որքանով կարող են ավելանալ Հայաստանին մատակարարվող գազի ծավալներն Իրան-Հայաստան էլեկտրահաղորդման 400 կՎ հզորությամբ 3-րդ գծի շինարարությունից հետո: «Այս պահի դրությամբ կողմերը բանակցում են էլեկտրաէներգիայի փոխանակման հարցի շուրջ։ Բանակցությունների արդյունքները մոտ ժամանակներս կներկայացվեն հանրությանը»,- ասել է Ռեզա Արդաքանիանը։
Հիշեցնենք, որ նոր էլեկտրահաղորդման գծի կառուցմամբ Հայաստանն ու Իրանը կկարողանան ավելացնել էլեկտրաէներգիայի փոխանակման հզորությունը՝ 350 ՄՎտ-ից մինչեւ 1000 ՄՎտ: Փետրվարի 12-ին ԵՊՀ միջազգային հարաբերությունների ֆակուլտետում իրանագիտության լսարանի բացման արարողությունից հետո Հայաստանում Իրանի դեսպան Սեյեդ Քազեմ Սադաջադին լրագրողներին ասել էր, որ Թեհրանը պատրաստ է գազ վաճառել Հայաստանին հարմար գներով: 2017 թվականին Հայաստանին իրանական գազի մատակարարման ծավալները 2016 թվականի համեմատ ավելացել են 2․5 տոկոսով՝ մինչեւ 382․7 մլն խորանարդ մետր: 2018 թվականի հունվարին Իրանին էլեկտրաէներգիայի մատակարարումների ծավալը 2017 թվականի հունվարի համեմատ աճել է 104 տոկոսով։


















































Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
Հաղթենք դիաբետը միասին
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Անվտանգության խորհրդի նիստում Պուտինը քննարկել է Աբու Դաբիում կայացած եռակողմ բանակցությունների արդյ...
Փաշինյանն ու Ալիևը Դուբլինում քննարկել են խաղաղության օրակարգն ու TRIPP-ի իրականացման ընթացքը․ նոր մ...
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ