Ռուսաստանը տարածքային ձեռքբերումների համար մեծ գին է վճարել
ՄԱԿ-ի Գլխավոր ասամբլեայի 81-րդ նստաշրջանում իր ելույթում Ուկրաինայի նախագահ Վոլոդիմիր Զելենսկին հայտարարել է, որ Ռուսաստանը տարածքային ձեռքբերումների համար մեծ գին է վճարել, այս տարի կարողացել է գրավել միայն 1000 քառակուսի կմ տարածք, որի զգալի մասն արդեն ազատագրվել է, իսկ յուրաքանչյուր կիլոմետրի համար Մոսկվան 248 զոհ է տվել:
Միևնույն ժամանակ, Ուկրաինայի նախագահի խոսքով, Ռուսաստանի պատմության ընթացքում առաջին անգամ նրա հպարտությունը՝ նավթային արդյունաբերությունը, աշխատում է վերջին շնչով:
«Սակայն Ուկրաինայի թիրախը նավթը, բենզինը և դիզելային վառելիքը չեն, այլ պատերազմը ֆինանսավորելու և երկարաձգելու Ռուսաստանի կարողությունները»,- նշել է Զելենսկին՝ հավելելով՝ ձմեռը շատ ծանր է լինելու Ուկրաինայի համար, սակայն իրենք այն ցավալի կդարձնեն նաև Ռուսաստանի համար:
Նա կոչ է արել ավելացնել ճնշումը Մոսկվայի նկատմամբ: Իր հերթին, ՌԴ արտգործնախարար Սերգեյ Լավրովը ԱՄՆ պետքարտուղար Մարկո Ռուբիոյի հետ հանդիպումից հետո հայտարարել է, որ դառը փորձից ելնելով՝ Մոսկվան Կիևի հետ հնարավոր բանակցությունների ընթացքում ռազմական գործողությունները չի դադարեցնի:
«Եվրոպան հենց դա է ուզում, որպեսզի համալրի Կիևի վարչակարգի զինանոցների սպառված պաշարները»,- հայտարարել է նա: Իր հերթին, Կրեմլի խոսնակը հայտարարել է, որ Ռուսաստանը ցանկանում է հասնել խաղաղության, ոչ թե ժամանակավոր հրադադարի:
70 հազարից՝ մինչև 2 մլն դրամ․ խստացվում են կառուցապատողների նկատմամբ տուգանքները (տեսանյութ)
Սիրո անունը Հայաստան է
Առողջապահության նախարարությունը՝ Գագիկ Խաչատրյանի առողջական վիճակի մասին
Հայաստանի և Թուրքիայի մեդիա կարգավորողները կակտիվացնեն ոլորտային երկխոսությունը
Հանրակրթական ուսումնական հաստատությունների ավագ դասարաններում ներդրվել է «Ճանապարհային երթևեկության ...
Ընթանում է Գարեգին Բ-ի և 6 եպիսկոպոսի գործով դատական նիստը
Ռուսաստանը դրոնների հավաքման գործում ներգրավել է մինչև 25 հազար հյուսիսկորեացիների
Հանդիպում Համաշխարհային բանկի ներկայացուցիչների հետ
Նոր հետիոտնային անցում և հասարակական տրանսպորտի կանգառի կետեր՝ Մինսկի փողոցում
Մանչեսթեր Սիթին սեփական հարկի տակ հաղթեց Նորվիչին