ԵՄ-ն մեծ ներդրումներ է կատարել Հայաստանում խորհրդարանական ընտրությունների կազմակերպման համար. ԵՄ դեսպան
Եվրոպական միությունը մեծ ներդրումներ է կատարել Հայաստանում խորհրդարանական ընտրությունների կազմակերպման համար: Այս մասին Հայաստանում 2017 թվականի ապրիլի 2-ին կայացած խորհրդարանական ընտրություններին մոնիտորինգի անցկացման վերաբերյալ զեկույցի ներկայացման ժամանակ հայտարարեց Հայաստանում Եվրամիության պատվիրակության ղեկավար, դեսպան Պյոտր Սվիտալսկին:
Բացի այդ, դեսպանի խոսքով, ԵՄ-ն նաեւ ակտիվ քաղաքական մասնակցություն է ունեցել` ամեն կերպ աջակցելով ընտրությունների անցկացմանը: «Մենք ավելի քան 7 միլիոն եվրո ենք ներդրել ընտրությունների կազմակերպման ու անցկացման համար: Եվրոպական միությունը՝ ի դեմս մի շարք անդամ երկրների, մասնավորապես՝ Գերմանիայի եւ Միացյալ Թագավորության, ապահովել է ամբողջ ֆինանսավորման 90 տոկոսը»,- հիշեցրեց եվրոպացի պաշտոնյանը` հավելելով, որ միջոցները հիմնականում ուղղվել են ընտրությունների տեխնիկական ապահովմանը:
Մասնավորապես, ձեռք են բերվել տեսախցիկներ, որոնք թույլ են տվել հետեւել քվեարկության ընթացքին: Բացի այդ, 500 հազար եվրո է ուղղվել քաղաքացիական մոնիտորինգի նախաձեռնությանը աջակցելու համար:
Միեւնույն ժամանակ Հայաստանում ԵՄ պատվիրակության ղեկավարը հավաստիացրեց, որ Եվրամիությունը պատրաստ է շարունակել համագործակցությունն այս ոլորտում՝ ժողովրդավարական չափանիշների եւ ընտրական գործընթացների առաջխաղացման եւ հետագա զարգացման համար: Պաշտոնյան շեշտեց, որ ԵՄ-ն ոչինչ չի պարտադրում եւ որեւէ գաղտնի նպատակ չի հետապնդում՝ պատրաստ լինելով կառուցողական կերպով արձագանքել համագործակցության վերաբերյալ ցանկացած նախաձեռնությանը:


















































Կառավարությունն առաջարկում է քրեական պատասխանատվություն սահմանել պոռնկությամբ զբաղվող երեխայի ծառայո...
ՊԵԿ-ը պարզաբանում է տարածել (տեսանյութ)
Ազգերի լիգա. Հայաստան – Կիպրոս հանդիպումն ավարտվեց 1:1 հաշվով
Ոչ սթափ ղեկին մի նստի՛ր (տեսանյութ)
ՖԻՖԱ-ն ղեկավարում է մի մարդ, ով թույլ է տվել իրեն կուրացնեն
Հաղթենք դիաբետը միասին
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Այո՛, դա պարտություն կլինի, անկասկած
ՌԴ-ն և Ուկրաինան համաձայնել են հետագա բանակցություններում ներգրավել եվրոպացիներին. Ջարեդ Քուշներ
Թուրքիայում ռազմական ուղղաթիռի կործանման հետևանքով 4 զինծառայող է մահացել