Ազատությունից զրկված անձանց իրավունքների ապահովման համար պետությունը պատասխանատվություն է կրում
Սեպտեմբերի 16-ին ՀՀ մարդու իրավունքների պաշտպանի՝ որպես կանխարգելման ազգային մեխանիզմի նախաձեռնությամբ քննարկում է անցկացվել ՁՊՎ-ներում Երևանի քաղաքապետարանի «Շտապբուժօգնություն» ՓԲ ընկերության և ՀՀ առողջապահության նախարարության «Հանրապետական Շտապօգնություն ծառայություն» ՓԲ ընկերության բուժաշխատողների կողմից ազատությունից զրկված անձանց բժշկական զննության ենթարկելու, խոշտանգման ենթադրյալ դեպքերի պատշաճ արձանագրման և իրազեկման թեմայի շրջանակներում արձանագրված խնդիրների և դրանց լուծմանն ուղղված առաջարկների կատարման ընթացքի վերաբերյալ:
Քննարկումները վարել է ՄԻՊ աշխատակազմի կանխարգելման ազգային մեխանիզմի իրականացման համակարգող-խոշտանգումների և վատ վերաբերմունքի կանխարգելման վարչության պետ Լաուրա Գասպարյանը։
Քննարկմանը մասնացել են ՀՀ ներքին գործերի նախարարության, ՀՀ առողջապահության նախարարության «Հանրապետական Շտապօգնություն ծառայություն» ՓԲ ընկերության և Երևանի քաղաքապետարանի ներկայացուցիչները։
Ողջույնի խոսքում Լաուրա Գասպարյանը նշել է, որ քննարկման անհրաժեշտությունն առաջացել է ՀՀ մարդու իրավունքների պաշտպանի հանձնարարությամբ ՄԻՊ աշխատակազմի կողմից ՀՀ ՆԳՆ ոստիկանության ձերբակալվածներին պահելու վայրեր իրականացված մշտադիտարկման այցերի համատեքստում։
Լաուրա Գասպարյանն ընդգծել է նման ձևաչափով քննարկումների կարևորությունը՝ նշելով, որ դրանք հնարավորություն են տալիս ոչ միայն բարձրաձայնելու մշտադիտարկման ընթացքում արձանագրված խնդիրները, այլև քննարկելու դրանց լուծման գործնական մեխանիզմները։
Քննարկման ընթացքում անդրադարձ է կատարվել ՁՊՎ-ներում ազատությունից զրկված անձանց բժշկական զննության ենթարկելու, խոշտանգման ենթադրյալ դեպքերի պատշաճ արձանագրման և իրազեկման թեմայի շրջանակներում արձանագրված առանձին խնդիրներին և դրանց լուծմանն ուղղված համակարգային քայլերին, սահմանված ժամկետում ձերբակալված անձանց բժշկական զննության հետ կապված արձանագրության և շտապ բժշկական օգնության կանչի թերթիկի էլեկտրոնային եղանակով ուղարկմանը պատասխանատու իրավասու մարմիններին, ինչպես նաև բժշկական ոլորտին առնչվող այլ խնդիրների։
Հանդիպման ընթացքում Պաշտպանի ներկայացուցիչներին ներկայացվել են արդեն իսկ նախաձեռնված առանձին լուծումները, ինչպես նաև քննարկվել են դեռևս չլուծված խնդիրների հաղթահարման հնարավոր ուղիները, այդ թվում՝ միջգերատեսչական համագործակցության շրջանակում։
Լաուրա Գասպարյանը ՄԻՊ հաստատության կողմից պատրաստակամություն է հայտնել համապատասխան մասնագետների համար կազմակերպելու վերապատրաստման դասընթացներ։
Քննարկման մասնակիցները վերահաստատել են նման ձևաչափով համագործակցությունը շարունակելու պատրաստակամությունը՝ ընդգծելով դրա կարևորությունը արձանագրված խնդիրներին արագ արձագանքելու և դրանց համատեղ լուծումներ գտնելու տեսանկյունից։
Մարդու իրավունքների պաշտպանը հատուկ ընդգծում է, որ ազատությունից զրկված անձանց իրավունքների ապահովման համար պետությունը կրում է պատասխանատվություն:
Ազատությունից զրկման վայրերում մարդու իրավունքների պաշտպանության և պատշաճ պայմանների ապահովման հարցերը մշտապես գտնվում են Մարդու իրավունքների պաշտպանի անմիջական ուշադրության ներքո։
Տրոեկուրովսկի գերեզմանատանը բացվել է Ֆիլիպ Կիրկորովի ծնողների հուշարձանը (տեսանյութ)
Երկրի տարածքի 17%-ում գրանցվել է ռեկորդային շոգ
Ռուսաստանը և Թուրքիան քննարկել են իրավիճակը Հարավային Կովկասում և Կենտրոնական Ասիայում
Ռուսաստանի բյուջեի դեֆիցիտը հասել է ՀՆԱ-ի 2,5 տոկոսին
Ադրբեջանի և Վրաստանի տարածքով տարանցմամբ Հայաստան կիրականացվի հերթական մատակարարումը
Մեղրիի համայնքապետ Խաչատուր Անդրեասյանը կալանավորվել է
Այդ հայտարարությունները օգտակար չեն խաղաղության համատեքստում
Երևանում սպանության փորձի և առողջությանը ծանր վնաս պատճառելու հատկանիշներով հետախուզվող է հայտնաբերվ...
Հութիները գրավել են Մոխա քաղաքը. Al Jazeera
Խմելու ջրի նմուշներում անհամապատասխանություն չի հայտնաբերվել. ՀՎԿԱԿ-ը՝ Բյուրեղավանում աղիքային վարակ...