Սա մեր պատմական դիմագիծն է, մեր ինքնության կարևոր մասը․ Շիրակի մարզպետը Ֆրանսիայի դեսպանին ներկայացրել է քաղաքի դիմագիծը
Շիրակի մարզպետ Դավիթ Առուշանյանը ճանաչողական այցով Գյումրիում գտնվող Ֆրանսիայի արտակարգ և լիազոր դեսպան Ֆլորիան Էսկյուդիեի հետ շրջել է քաղաքի կենտրոնում՝ դեսպանին ներկայացնելով Գյումրու հարուստ պատմությունը, մշակութային ժառանգությունն ու քաղաքի ինքնատիպ դիմագիծը, ջերմ ու հյուրընկալ մթնոլորտում զրուցել, շփվել բնակիչների հետ։ Այս մասին հայտնում է մարզպետի աշխատակազմը։
Քայլելով Գյումրու հին փողոցներով՝ Դավիթ Առուշանյանը դեսպանին պատմել է քաղաքի անցյալի, նրա ձևավորման ու զարգացման, ճարտարապետական առանձնահատկությունների մասին։ Շրջայցի ընթացքում խոսվել է նաև Գյումրու՝ որպես պատմական միջավայրը պահպանած և այդ ժառանգությունը նոր սերունդներին փոխանցող քաղաքի մասին։
«Գյումրին իր պատմությունը պահած քաղաք է։ Այստեղ անցյալը տեսանելի է ամեն քայլափոխի՝ հին տուֆակերտ շենքերում, պատշգամբներում, փողոցների դասավորության ու քաղաքի պահպանված ճարտարապետական միջավայրի մեջ։ Սա մեր պատմական դիմագիծն է, մեր ինքնության կարևոր մասը, և մենք պարտավոր ենք պահպանել այն ու նոր կյանք հաղորդել՝ Գյումրու զարգացմանն ու ճանաչելիությանն ուղղված ծրագրերի միջոցով»,- նշել է Դավիթ Առուշանյանը։
Գյումրու կենտրոնում մարզպետը Ֆլորիան Էսկյուդիեին ներկայացրել է նաև «Կումայրի» պատմաճարտարապետական արգելոց-թանգարանը՝ նշելով, որ 1980 թվականին հիմնադրված «Կումայրի» արգելոց-թանգարանը ներառում է Գյումրու պատմական միջուկը և տարածքում պահպանվում է քաղաքի պատմական կառուցապատումը, փողոցային հին ցանցը և բազմաթիվ պատմամշակութային ու ճարտարապետական արժեք ներկայացնող կառույցներ, որոնք ամբողջության մեջ ձևավորում են Գյումրու անկրկնելի քաղաքային միջավայրը։
Ֆլորիան Էսկյուդիեն շնորհակալություն է հայտնել Շիրակի մարզպետին՝ ջերմ հյուրընկալության և զբաղված աշխատանքային գրաֆիկում ժամանակ հատկացնելու, անձամբ քաղաքը ներկայացնելու համար։
Դեսպանն առանձնահատուկ ընդգծել է նաև այն տպավորությունը, որը ստացել է Դավիթ Առուշանյանի՝ Գյումրու նկատմամբ ունեցած վերաբերմունքից, Գյումրին ճանաչելուց, քաղաքը սիրելուց և այն նվիրվածությամբ ու ոգևորությամբ, որ ներկայացնում է Գյումրու պատմությունն ու արժեքները։
Դեսպանն ու մարզպետն այցելել են նաև Հովհաննես Շիրազի տուն-թանգարան։ Նրանք շրջայց են կատարել թանգարանում, ծանոթացել ներկայավող ցուցադրությանը։
Մեծ շրջանառություն էր թաքցված. ՊԵԿ նախագահը՝ Ծառուկյանի բիզնեսի մասին
COP-17-ին ընդառաջ «Նորագյուղ» նոր ենթակայանի կառուցումն ավարտին է մոտենում. Պետրոսյան
Տրոեկուրովսկի գերեզմանատանը բացվել է Ֆիլիպ Կիրկորովի ծնողների հուշարձանը (տեսանյութ)
Կամային հաղթանակ սեփական հարկի տակ
Հութիները գրավել են Մոխա քաղաքը. Al Jazeera
Ադրբեջանի և Վրաստանի տարածքով տարանցմամբ Հայաստան կիրականացվի հերթական մատակարարումը
Ռուսաստանի բյուջեի դեֆիցիտը հասել է ՀՆԱ-ի 2,5 տոկոսին
Մեղրիի համայնքապետ Խաչատուր Անդրեասյանը կալանավորվել է
ՀՀ պետական պարտքը 2026 թվականի հունիսի 30-ի դրությամբ 5 տրիլիոն 116 միլիարդ դրամ է
Երկրի տարածքի 17%-ում գրանցվել է ռեկորդային շոգ