Ինչպես են շնորհավորել Մխիթարյանին երկրպագուները
«Մանչեստեր Յունայթեդի» երկրպագուները շնորհավորել են դեռեւս իրենց թիմի ֆուտբոլիստ համարվող Հենրիխ Մխիթարյանին: Երեկ՝ հունվարի 21-ին, կիսապաշտպանը տոնում էր ծննդյան 29-ամյակը: Երկրպագուները սոցիալական ցանցերում գրել են, որ երբեք չեն մոռանա նրան:
«Քո ծննդյան օրը պետք է «Օլդ Թրաֆորդում» լինեիր, բայց ստիպված ես մեկնել Լոնդոն: Շատ տխուր է, անարդար: Որտեղ էլ լինես, լավագույնն եմ ցանկանում: Շնորհավոր ծննդյանդ օրը, միշտ կսիրենք քեզ»,- գրել է մի երկրպագու:
«Շնորհավոր: Մենք՝ «Մանչեստեր Յունայթեդի» երկրպագուներս, երբեք չեն մոռանա ու չենք դադարի սիրել քեզ: Դու «Մանչեստերի» իմ ամենասիրելի խաղացողն ես, շնորհակալություն ամեն ինչի համար: Նույնիսկ հիմա հույս ունեմ, որ այնուամենայնիվ, կմնաս մեզ հետ»,- գրել է մեկ այլ երկրպագու:
«Միկի՛, միշտ քեզ կհիշենք որպես «կարմիր սատանա»: Շնորհավոր ծննդյանդ օրը, եւ քեզ լավագույնն ենք ցանկանում քո կյանքի նոր փուլում»,- գրել է մեկ ուրիշը:
«Շնորհավոր ծննդյանդ օրը: Ուրախ եմ, որ ժպտում ես: Մենք՝ ՄՅՈՒ-ի երկրպագուներս, երբեք չենք մոռանա քեզ: Շատ տխուր է տեսնել, որ հեռանում ես «երազանքների թատրոնից»»:
«Շնորհավոր: Ցավալի է, որ գնում ես: Լավագույնն եմ քեզ ցանկանում»:
«Շնորհավոր: «Արսենալում» վերագտիր քո կախարդական խաղը, բայց միայն թե ոչ «Յունայթեդի» դեմ հանդիպումներում»:
Մխիթարյանի՝ «Յունայթեդի» թիմակիցներից ոմանք նույնպես սոցիալական ցանցերում շնորհավորել են նրան:
«Շնորհավոր ծննդյանդ օրը, եղբա՛յր»,- գրել է թիմի դարպասապահ Դավիդ դե Խեան եւ լուսանկար հրապարակել:
Ֆուտբոլիստի քույրը՝ Մոնիկա Մխիթարյանը, սոցիալական ցանցերում տեղադրել է իր ու եղբոր մանուկ հասակի լուսանկարները:
«Շնորհավոր հիանալի անձնավորության ու կախարդական ֆուտբոլիստի ծննդյան օրը»,- գրել է նա:
Կիսապաշտպանը ծննդյան օրը նշել է «Մանչեստեր Յունայթեդի» թիմակից Պոլ Պոգբայի եւ իրենց գործակալ Մինո Ռայոլայի հետ: Նա լուսանկարներ է հրապարակել սոցիալական ցանցերում:
«Ի՞նչ նվեր եմ ստանալու որպես ծննդյան նվեր»,- գրել է նա:
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Գարեգին Երկրորդի եղբոր կալանքը 2 ամսով երկարաձգվեց
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Իրանում վերականգնվել է ինտերնետային կապը
Էստոնիան այս տարի պլանավորում է դեսպանություն բացել Երևանում
Գողություններ կատարած տղամարդիկ ձերբակալվել են․ Վաղարշապատի համայնքային ոստիկանների բացահայտումը (տե...
Պուտինը պատասխանել է Մելանյա Թրամփի նամակին
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ