Գեղարքունիքի մարզի համայնքներում կայացան Երիտասարդության միջազգային օրվան նվիրված միջոցառումներ
Օգոստոսի 12-ին, Երիտասարդության միջազգային օրվա առթիվ, Գեղարքունիքի մարզի համայնքներում տեղի են ունեցել տարաբնույթ միջոցառումներ։ Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի ԿՄՍ վարչությունից:
Գավառ քաղաքի մշակույթի տանը գործող «Գավառի երիտասարդների տուն» բաց երիտասարդական կենտրոնում «60 վայրկյան երիտասարդություն» թեմայի շրջանակներում կայացել է հանդիպում, որի ընթացքում երիտասարդներին հնարավորություն է տրվել՝ արտահայտելու իրենց տեսակետը, ստեղծագործական մոտեցումը և պատմելու իրենց պատմությունը կարճ տեսանյութի միջոցով։
Նույն կենտրոնում անցկացվել է «Ձգտումների պատ» թեմայով հանդիպում-քննարկում, որտեղ երիտասարդներն արտահայտել են իրենց երազանքները, նպատակները, ցանկությունները և ապագայի վերաբերյալ պատկերացումները։
Գավառ քաղաքի մշակույթի տան հարակից տարածքում տեղի է ունեցել հեծանվարշավ։
Մարտունի քաղաքի Ալ․ Մյասնիկյանի անվան հրապարակում կայացել է բացօթյա համերգ։
Ճամբարակ քաղաքում կազմակերպվել է «Մենք կարող ենք միասին» խորագրով արշավ- ուխտագնացություն դեպի Սուրբ Գրիգոր եկեղեցի, որից հետո «ՃամբԱրԵ» Ճամբարակի երիտասարդական համայնքային կենտրոնում կայացել է ֆիլմի դիտում և քննարկում։
Վարդենիս քաղաքի Գառնիկ Կարապետյանի անվան զբոսայգում, համայնքի տարբեր բնակավայրերի երիտասարդների մասնակցությամբ, անցկացվել է քաղաքային քվեստ-մրցույթ, որին հաջորդել է տոնական համերգային ծրագիրը։
Վարդենիս քաղաքի Մհեր Մկրտչյանի անվան մշակույթի պալատում երիտասարդների համար կազմակերպվել է քննարկում՝ «Շունչ» թատրոն-«Պատերազմի ցեցը» թեմայի շրջանակներում։
Սևան համայնքի Լճաշեն բնակավայրի մանկական զբոսայգում «Երիտասարդների ձայնը հանուն ապագայի» թեմայի շրջանակներում տեղի է ունեցել հանդիպում-քննարկում՝ բնակավայրի հաջողություններ և ձեռքբերումներ ունեցող երիտասարդների հետ, որն ուղեկցվել է համերգային ծրագրով։
Սևան քաղաքի «Վահե Ստեփանյանի անվան կենտրոնացված գրադարանների համակարգ» ՀՈԱԿ-ում «Նկարազարդ իրականություն» թեմայի շրջանակներում տեղի է ունեցել հանդիպում-քննարկում Հ. Իգիթյանի անվան գեղագիտական կենտրոնի երիտասարդ նկարիչների հետ։
Սևան քաղաքի Ս. Զաքարյանի անվան մշակույթի պալատի հարակից տարածքում անցկացվել է հեծանվարշավ, նույն տարածքում «Գտիր քո ռիթմը, եղիր համարձակ» թեմայի շրջանակներում երիտասարդների համար անցկացվել է բացօթյա երաժշտական միջոցառում։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Սամվել Կարապետյանին կալանավորելու միջնորդություն է ներկայացվել
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Պարոն Կարապետյանը պիտի մեկնաբանի, թե ինչու մինչև այս պահը այլ երկրների քաղաքացիությունից հրաժարում տ...
ՀԷՑ-ին պատճառվել է 64.5 մլրդ դրամի վնաս. ձերբակալվել է Սամվել Կարապետյանը
Քննարկվել են Երևանի և Սյունիքի մաքսային և լոգիստիկ կենտրոնների կառուցման ծրագրերը