905 մլն դրամի ներդրում Առինջում. «Վեոլիա Ջուր»-ը սկսել է ջրագծերի վերակառուցման 3-րդ փուլը

Այս տարվա Պարտադիր կապիտալ աշխատանքների ծրագրի շրջանակներում «Վեոլիա Ջուր»  ընկերությունը ավելի քան 905 մլն դրամի ներդրում է կատարել Կոտայքի մարզի Աբովյան  համայնքի Առինջ բնակավայրում։ Այստեղ 2023 և 2024 թվականներին ևս Ընկերությունը ջրագծեր է վերանորոգել:

1000 բաժանորդի համար վերակառուցել է 13 կմ ջրագիծ: Այս տարի ըստ էության երրորդ՝ վերջին  փուլն է, որով կավարտվի բնակավայրի ջրամատակարարման բարելավման ծրագիրը։ 1700 բաժանորդի համար փոխարինվում է 22. 3 կմ ջրագիծ:

armradio.am