Կրտսեր պարեկի պաշտոնից առաջխաղացման կարգով նշանակումները կիրականացվեն խորհրդատվական կարծիքի հիման վրա
Ներքին գործերի նախարարությունը, առաջնորդվելով թափանցիկության, անաչառության և արժանիքների վրա հիմնված կառավարման սկզբունքներով, շարունակաբար կատարելագործում է ծառայողների առաջխաղացման և մասնագիտական գնահատման մեխանիզմները՝ ապահովելով հավասար հնարավորություններ և մրցակցային միջավայր։
Այդ համատեքստում ՆԳՆ ոստիկանության պետ-ՆԳ նախարարի տեղակալ Կամո Ցուցուլյանի հրամանով Պարեկային ծառայության կրտսեր պարեկի պաշտոնից առաջխաղացման կարգով նշանակումների ներկայացված ծառայողների մասնագիտական կարողություններն ու հնարավորություններն ստուգելու նպատակով ձևավորվել է խորհրդատվական կարծիք տրամադրող հանձնաժողով։ Խորհրդատվական կարծիքի հիման վրա Պարեկային ծառայության պետը համապատասխան առաջարկություն է ներկայացնելու Ոստիկանության պետին։
Հունիսի 30-ին Պարեկային ծառայության Երևանի քաղաքի և մարզային ստորաբաժանումների 34 կրտսեր պարեկ մասնակցել է հարցազրույցի։
Խորհրդատվական կարծիք տրամադրող հանձնաժողովը նախագահել է Ներքին գործերի նախարարի օգնական Արթուր Խուդինյանը։ Հանձնաժողովի կազմում ընդգրկված են եղել ՆԳ նախարարության, միջազգային գործընկերներ և հասարակական կազմակերպությունների ներկայացուցիչներ։
Հանձնաժողովը գնահատել է կրտսեր պարեկների կատարողական ցուցանիշները, ստացած խրախուսանքները, կարգապահական տույժերի վերաբերյալ տվյալներն ու առաջխաղացման տեսանկյունից նշանակություն ունեցող այլ հանգամանքներ, ինչի հիման վրա էլ կձևավորվի խորհրդատվական կարծիքը։
Այս մոտեցումը կնպաստի համակարգում արժանիքների վրա հիմնված առաջխաղացման մշակույթի ամրապնդմանն ու ծառայողների մասնագիտական աճի խթանմանը։
Ալյասկայում Ուկրաինայի վերաբերյալ համաձայնություն չի եղել. Ռուբիո
«Ուժեղ Հայաստան»-ի պատգամավորի թեկնածուներից 2-ը կալանավորվել են, 4-ի նկատմամբ հայտարարվել է հետախու...
Կոտայքում սպասվող 7.4 մագնիտուդով երկրաշարժի մասին լուրը կեղծ է․ ՆԳՆ
Մերցը Մոսկվային կոչ է արել կանգ առնել շփման գծում և բանակցություններ սկսել Կիևի հետ
Վրաստանը կշարունակի իր պրագմատիկ քաղաքականությունը Ռուսաստանի հետ
ՀՀ վարչապետ Նիկոլ Փաշինյանի ճեպազրույցը ուղիղ
Նպատակը՝ տրանսֆերային արժեքը հնարավորինս նվազեցնելն է
Փարիզում քննարկվել են Հայաստանի և ՅՈՒՆԵՍԿՕ-ի մշակութային համագործակցության հեռանկարները
Ուրսուլա ֆոն դեր Լայենը հաջորդ շաբաթ կայցելի Հայաստան և Ադրբեջան
Կուսակիցները փակ հանդիպմանը կոշտ քննադատության են ենթարկել Թրամփին