Ստոմատոլոգիական ծառայություններ մատուցող կլինիկաներն «Արմեդ» համակարգին լիարժեք ինտեգրվելու խնդիր ունեն
Առողջապահության հարցերի մշտական հանձնաժողովը հունիսի 26-ին նախաձեռնել էր աշխատանքային քննարկում: Ստոմատոլոգիական ծառայություններ մատուցող կլինիկաներն «Արմեդ» համակարգին լիարժեք ինտեգրվելու խնդիր ունեն, և այդ դժվարությունները ոլորտի պատասխանատուների մասնակցությամբ քննարկվեցին ԱԺ մշտական հանձնաժողովում: ԱԺ գլխադասային հանձնաժողովն այս առումով հատկապես առողջության համընդհանուր ապահովագրության ներդնումից հետո շահառուներից ստացել է գրություններ և ազդակներ:
Քննարկմանը մասնակցել են Առողջապահության նախարարության, Պետական եկամուտների կոմիտեի, «Արմեդ» համակարգի, ստոմատոլոգիական ծառայություններ մատուցող բժշկական հաստատությունների ներկայացուցիչներ:
2021 թվականի հունվարի 1-ից Առողջության ապահովագրության հիմնադրամում գրանցված են 72 ստոմատոլոգիական կլինիկաներ, որոնք ունեն լիցենզիա ստոմատոլոգիական գործունեությամբ զբաղվելու և միաժամանակ գրանցված են «Արմեդ» համակարգում:
«Էլեկտրոնային առողջապահության ազգային օպերատոր» փակ բաժնետիրական ընկերության ներկայացուցիչները հավաստիացրել են, որ «Արմեդ» համակարգը կապի տարբեր միջոցներով՝ վեբինարներով, մեթոդական ձեռնարկներով, հաղորդակցվում է ոլորտի շահառուների հետ: Բժշկական հաստատությունների ներկայացուցիչներն էլ իրենց հերթին մատնանշել են այն խնդիրները, որոնց բախվում են համակարգից օգտվելիս: Բարձրացվել են փոքր և մարզերում ծառայություններ մատուցող կլինիկաների՝ համակարգից օգտվելու սահմանափակ հնարավորությունների, շահառուների շրջանում իրազեկման անհրաժեշտության հարցերը, համակարգ ծառայությունների մուտքագրման և նույնականացման ընթացքում առաջացող և այլ խնդիրները: Քննարկվել է նաև ՊԵԿ վճարումները, ըստ օրենքի, «Արմեդի» համապատասխան ծածկագրի միջոցով իրականացնելու խոչընդոտներին վերաբերող հարցը: ՊԵԿ ներկայացուցիչն ընդգծել է, որ կառույցը լայնածավալ իրազեկում է իրականացրել, անգամ հասցեական իրազեկել է ընկերություններին, որպեսզի վերջիններս օրենքով սահմանված պահանջները կատարեն և չտուգանվեն:
Քննարկումների ընթացքում աշխատանքային խումբ ստեղծելու, խնդիրները փուլային տարբերակով լուծելու և ճանապարհային քարտեզ մշակելու առաջարկ է հնչել:
«Ըսավ քուգդ բդի էղնի 120». նոր ձայնագրություն ընտրակաշառքի գործով«Ըսավ քուգդ բդի էղնի 120». նոր ձայն...
Քրոջը սպանած տղամարդուն բռնել են զոհի ձեռքերը պայուսակի մեջ քողարկելիս
Ռեալը չի ցանկանում 70 մլն եվրո վճարել
Հայաստանը կներկայացվի աշխարհի խոշորագույն արևային էներգետիկ ցուցահանդեսում՝ Intersolar Europe 2026-ո...
ԱՄՆ Կոնգրեսում տեղի կունենա մամուլի ասուլիս Բաքվում հայ գերիների բանտարկության մասին
Կապան Ֆեստ 2026․երաժշտության, արվեստի և մշակութային ժառանգության տոնը
Իրանը ներկայացուցիչ կունենա Լիբանանում հրադադարի մոնիտորինգի մեխանիզմում
ԱՄՆ-ն Լիբանանում ձգտում է կայուն հրադադարի․ Վենս
ԶՈՒ-ն երաժիշտ և պարող մասնագետ զորակոչիկներով համալրելու նպատակով ՊՆ-ն հայտարարում է լսումներ և դիտո...
ՏՏ ոլորտի վարչական ռեգիստրի ictstat.am կայքը տեխնիկական խնդիրներ ունի. այդ ընթացքում հաշվետվություն ...