Երևանում մարդատար ավտոմեքենաների համար սահմանափակումներ կլինեն․ Ավինյան
Այս մասին Ազգային ժողովի մշտական հանձնաժողովների համատեղ նիստում 2025 թվականի պետական բյուջեի կատարման տարեկան հաշվետվության քննարկման ժամանակ հայտարարել է Երևանի քաղաքապետ Տիգրան Ավինյանը՝ ներկայացնելով Երևանի երթևեկության կառավարման նոր մոտեցումները։
Նրա խոսքով՝ քաղաքապետարանը ստեղծել է Երևանի երթևեկության կառավարման կենտրոն, որի հիմնական նպատակը թվային լուծումների ներդրումն ու երթևեկության հոսքերի վերլուծությունն է։
«Երևանի խցանումների վերաբերյալ Երևանի քաղաքապետարանը ստեղծել է հատուկ հիմնարկ՝ երթևեկության կառավարման կենտրոն, որին տրվել է համապատասխան մասնագիտական կազմ»,- նշել է Ավինյանը։
Քաղաքապետի խոսքով՝ ներկայում իրականացվում է պիլոտային ծրագիր, որի շրջանակում չափվում են մայրաքաղաք մուտք գործող ավտոմեքենաների հոսքերը։
«Այս բոլոր հաշվարկների հիման վրա մեզ այս տարվա ընթացքում կտրվի փոփոխությունների ծրագիր, թե ինչ պետք է տեղի ունենա»,- ասել է նա։
Ավինյանի գնահատմամբ՝ Երևանի խցանումների հիմնական պատճառը վերջին տարիներին արձանագրված տնտեսական աճն է, որի հետևանքով կտրուկ աճել է մարդատար ավտոմեքենաների թիվը։
«Առաջին և հիմնական պատճառը տնտեսական աճն է, և այս տնտեսական աճը բերել է մարդատար ավտոմեքենաների քանակի ահռելի աճի»,- նշել է քաղաքապետը։
Նրա խոսքով՝ նույնիսկ հանրային տրանսպորտի շարունակական զարգացումը բավարար չէ խցանումների խնդիրը լուծելու համար։
«Հանրային տրանսպորտը իր ժամանակացույցով չի կարող աշխատել, եթե մենք չունենք սահմանափակում մարդատար ավտոմեքենաների համար»,- ընդգծել է Ավինյանը։
Քաղաքապետը հայտնել է, որ Երևանում նախատեսվում է ներդնել եվրոպական քաղաքներում կիրառվող մոտեցումները։
«Մարդատար ավտոմեքենաների համար վստահորեն պետք է մտցվեն որոշակի սահմանափակումներ, և դրանք փոխարինվեն հանրային տրանսպորտի առանձնացված ուղեգծերով»,- ասել է նա։
Ավինյանի խոսքով՝ իրականացվող ուսումնասիրությունների արդյունքում կսահմանվեն ավտոկայանատեղիների տեղակայման վայրերը, ավտոմեքենաների հոսքերի կառավարման մեխանիզմները և այն սահմանափակումները, որոնք կգործեն մասնավոր տրանսպորտի համար։
Նա տեղեկացրել է, որ նախնական արդյունքները սպասվում են 2026 թվականի սեպտեմբեր-հոկտեմբեր ամիսներին, իսկ ծրագրի գործնական իրականացումը նախատեսվում է սկսել 2027 թվականից։
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գայի պողոտայում գտնվող առևտրի կենտրոններից մեկում հրդեհ է բռնկվել
Հայաստան է ժամանել Վրաստանի պաշտպանական ուժերի հրամանատար Գիորգի Մաթիաշվիլին
Իսպանիայի տրանսպորտի նախարարը հրաժարական է տվել 69 զոհի պատճառ դարձած երկաթուղային վթարից հետո
Գյումրիում հայտնաբերվել է անչափահասների նկատմամբ սեռական բռնության մեղադրանքով հետախուզվող օտարերկրա...
Խամենեիի գտնվելու վայրը գաղտնի է պահվում՝ անվտանգությունից ելնելով
Գազամատակարարման վթարային դադարեցում Երևանի մի շարք հասցեներում
ԱՄՆ դատարանը Ալյասկայում ընտրության վերաբերյալ մերժել է Թրամփի վարչակազմի հայցը