Հիմնավորման մեջ նշվում է, որ այս որոշումը թույլ կտա  «Երևանի Անանիա Շիրակացու անվան ճեմարանին» 2026/2027 ուսումնական տարվանից միջնակարգ կրթության երրորդ աստիճանի ավագ դասարաններում շարունակել «Միջազգային բակալավրիատի «Դիպլոմա (IBDP)» ծրագիրը՝ անգլերենով:

Նշենք, որ «Երևանի Անանիա Շիրակացու անվան ճեմարան» միջազգային գիտակրթական համալիրում 2025–2026 ուսումնական տարվա դրությամբ սովորում է ընդհանուր առմամբ 1392 սովորող, որոնցից 410 աշակերտ սովորում է ավագ դպրոցում։ Նրանցից Միջազգային Բակալավրիատի Դիպլոմա ծրագրի (IBDP) սովորող է հանդիսանում 81-ը, թեկնածու սովորող 60-ը, ավարտում են՝ 37-ը,  իսկ 2026-2027 ուսումնական տարում՝ Միջազգային Բակալավրիատի Դիպլոմա ծրագրի (IBDP) 104 սովորող:

Դպրոցի սովորողներն ունեն հաջողություններ մասնակցելով տարբեր մրցույթների, (դպրոցական առարկայական օլիմպիադաներ, Միջազգային օլիմպիադաների մաթեմատիկա, անգլերեն առարկաներից, որի արդյունքում արձանագրել են լավագույն ցուցանիշներ:

Միջազգային բակալավրիատի Դիպլոմա ծրագիրը (ՄԲԴԾ) միջազգայնորեն ճանաչված, երկամյա կրթական ծրագիր է:  Այն իրականացվում է Հայաստանի Հանրապետությունում՝ Միջազգային բակալավրիատի կազմակերպության (IBO) կողմից հավատարմագրված կրթական հաստատություններում՝ նաև «Երևանի Անանիա Շիրակացու անվան ճեմարան» միջազգային գիտակրթական համալիր» ՓԲԸ-ում:

Քանի որ «Միջազգային բակալավրիատի դիպլոմա» ծրագիրը չի իրականացվում Հայաստանի Հանրապետության պետական բյուջեի միջոցների հաշվին, որոշման ընդունումը բյուջեում ծախսերի ավելացում չի առաջացնի։