ԱՊՀ դիտորդի մասով ԿԸՀ-ն չի արձագանքում. Դանիել Իոաննիսյան

Միջադեպերի հետ կապված ԱՊՀ դիտորդն է, որի մասին մենք դիմում էինք ներկայացրել ԿԸՀ, դեռևս ԿԸՀ-ից խնդիր չկա, և դա մեր գնահատմամբ խնդրահարույց է, որ հրապարակային քարոզչություն իրականացնող դիտորդ կա միջազգային դիտորդի կարգավիճակով, ում մասով ԿԸՀ-ն չի արձագանքում: Այդ մասին ճեպազրույցի ժամանակ ասաց «Անկախ դիտորդ» առաքելության ներկայացուցիչ Դանիել Իոաննիսյանը։

«Կան տարբեր հայտարարություններ և հիշարժան բաներ. մենք խոսում ենք ՌԴ-ի կողմից Հայաստանի ընտրությունների ապալեգիտիմացմանն ուղղված գործողությունների մասին, երբեմն այդ գործողությունները և այդ հռետորաբանությունը զավեշտալի աստիճանի են հասնում. օրինակ՝ ՌԴ նախագահի օգնականը հայտարարել է՝ ընտրություններին էական ազդեցություն ունեն Ֆրանսիայում գտնվող հայերի քվեարկությունը»,- նշեց Իոաննիսյանը:

«Մենք մի շարք կեղծ ահազանգեր ենք տեսել ընտրախախտումների վերաբերյալ, որոնք տեղում մեր դիտորդների կողմից ստուգվել են, դիտորդները գնացել են տեղում խոսել են այն դիտորդական կազմակերպությունների, կուսակցությունների, այդ կազմակերպությունների ներկայացուցիչների հետ, որոնք ահազանգել են խախտման մասին, և պարզվել է, որ եղելությունը այլ է, ոչ այն է, ինչ որ հայտարարվում է:

Մենք ներկայացրել ենք 9 դիմում տեղամասում քարոզչության դեպքերի հետ կապված: Սա այն դեպքերն են, երբ քարոզչական նյութեր պարունակող շապիկները, գլխարկները, կրծքանշանները՝ մարդկանց ասվել է, և մարդիկ չեն գնացել դադարեցման ուղղությամբ և շարունակել են այդ խախտումը կատարել, որտեղ որ շարունակել են խախտումը կատարել, դիմել ենք ԿԸՀ»,- ասաց Դանիել Իոաննիսյանը։