Առաջիկայում պետք է Ղարաբաղի պսևդոէլիտայի ունեցվածքի ցանկերը հրապարակենք ՀՀ-ում. Փաշինյան
Իմ խոսույթը վերաբերում է ԼՂ պսևդոէլիտային և նրանց հարակից շրջանակներին: Դա ճիշտ խոսույթ է, որովհետև նրանք, քիչ չէ, փախել են՝ բառիս բուն իմաստով՝ Սամվել Շահրամանյանի գլխավորությամբ, հիմա էլ եկել են, ուզում են Հայաստանի ժողովրդին կրկին ներքաշել պատերազմի մեջ: Այդ մասին զորահանդեսից հետո՝ լրագրողների հետ ճեպազրույցի ժամանակ, ասաց վարչապետ Նիկոլ Փաշինյանը՝ անդրադառնալով Ղարաբաղի պսևդոէլիտայի ներկայացուցիչների մասին նախկինում արած իր հայտարարությանը:
«Այո՛, ես ասել եմ, որ Ղարաբաղի այսպես կոչված պսևդոէլիտային արմատախիլ եմ անելու ՀՀ-ում: Նրանք, որպես այդպիսին, իրավունք չունեն… Եվ, այո՛, նրանք պետք է պարզաբանեն՝ հասուն տղամարդիկ, որ այսօր եկել են, Հայաստանում ասում են՝ Ղարաբաղի հարցը և այլն, ինչ-որ բաներ են պատմում, իրենք որտե՞ղ են եղել: Իրենք, բացի փախչելուց, ուրիշ ինչո՞վ են զբաղվել․ ոչ մի բանով: Եվ այս խոսույթը վերաբերում է ոչ թե նրանց, որ կարող էին զոհվել և չեն զոհվել, այլ նրանց, ովքեր ընտրել են, որ նրանք պետք է ոչ մի պարագայում չզոհվեն:
Ես էլի ասում եմ, որ իմ որդու մոտ արկից խրամատում իր ծառայակիցները զոհվել են, իմ ընտանիքը եղել է Ղարաբաղում, և դա դարձել է շատ քննարկումների առարկա: Ղարաբաղի պսևդոէլիտաները, որ ամեն անգամ փախել են ու էկել են, էլի Հայաստանը ուզում են ներքաշել կոնֆլիկտի մեջ»,- ասաց նա՝ կարծիք հայտնելով, թե վերջիններս Ղարաբաղի ժողովրդին շարունակում են պատանդի կարգավիճակում պահել, և որ նպատակը ՀՀ պետականությունը ծնկի բերելն է եղել՝ Մեղրիով միջանցք տալուց հետո։ Այդ բոլոր պլանները ձախողել են, իսկ այդ պլանի իրագործման համար է եղել Հոկտեմբերի 27-ը, և որ այն խափանվել է։
«Կարծում եմ՝ մենք առաջիկայում պետք է Ղարաբաղի պսևդոէլիտայի ունեցվածքի ցանկերը հրապարակենք ՀՀ-ում, որպեսզի պատկերն ավելի պարզ լինի: Այսօր նրանք Ղարաբաղի ժողովրդին չեն թողնում, որ տնավորվեն:
Մենք պլանավորում ենք առաջիկա 10 տարում 800 մլրդ դրամի հատկացում անենք, որ այդ ժողովուրդն ի վերջո տնավորվի, հանգստանա, պանդուխտի և գաղթականի հոգեբանությունից դուրս գա, բայց այդ փոքր, փախած պսևդոէլիտան չի ուզում հանգիստ տալ ժողովրդին: Հետևաբար այդ պսևդոէլիտայի գործունեությունը պետք է զրոյացվի»,- ասաց նա, ապա հավելեց՝ ապօրինի գույքի բռնագանձման համակարգով նրանց «տասնյակ և հարյուրավոր տներ ձեռքներից առնելու ենք»:
«Այդ պսևդոէլիտայի ներկայացուցիչները պետք է Ղարաբաղի և Հայաստանի ժողովրդի առաջ պատասխան տան»,-ամփոփելով խոսքը՝ ասաց Փաշինյանը:
Մենք միանգամայն արժանիորեն դուրս եկանք հաջորդ փուլ
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Աբու Դաբին կունենա համաշխարհային արվեստի նոր կենտրոն
Մահացել է աշխարհի չեմպիոն և «Միլանի» լեգենդ Ֆրանկո Բարեզին
Ուրումչիի մշակութային ուղին. Գրանդ բազար
Սթիվ Ուիթքոֆն ու Ջարեդ Քուշները առաջիկա օրերին կայցելեն Ուկրաինա
«Claude» արհեստական բանականությունը թեստավորման ժամանակ կոտրել է 3 ընկերության համակարգեր
Սինգապուրի վարչապետը շնվորհավորել է Փաշինյանին
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
ՏԿԵ և պաշտպանության նախարարները Լոռի բերդ համայնքում ծանոթացել են պետություն-մասնավոր համաֆինանսավոր...