Սպասվում է կարճատև անձրև և ամպրոպ

Հանրապետության տարածքում մայիսի 26-ին ժամանակ առ ժամանակ, 28-ի ցերեկը, 29-ին և 30-ին առանձին շրջաններում սպասվում է կարճատև անձրև և ամպրոպ, տեղ-տեղ հնարավոր է նաև կարկուտ։ Մայիսի 27-ին, 28-ի գիշերն սպասվում է առանց տեղումների եղանակ։

Քամին հարավարևմտյան է՝ 2-5 մ/վ, ամպրոպի ժամանակ սպասվում է նաև քամու ուժգնացում 18-22 մ/վ արագությամբ։ Օդի ջերմաստիճանը մայիսի 26-27-ի ցերեկային ժամերին աստիճանաբար կբարձրանա 4-6 աստիճանով։

Երևանում մայիսի 26-ի երեկոյան, 28-ի ցերեկը, 29-ին և 30-ին սպասվում է կարճատև անձրև և ամպրոպ, ամպրոպի ժամանակ սպասվում է նաև քամու ուժգնացում 17-20 մ/վ արագությամբ։ Մայիսի 27-ին, 28-ի գիշերն սպասվում է առանց տեղումների եղանակ։