Ռոբերտ Լևանդովսկին հակված է Մերձավոր Արևելք տեղափոխվելուն

Փորձառու հարձակվող Ռոբերտ Լևանդովսկին 2025/26 մրցաշրջանի ավարտից հետո կհեռանա կատալոնական «Բարսելոնայից»։ Այս մասին հայտնում է լեհական Meczyki պարբերականի լրագրող Տոմաշ Վլոդարչիկը։

Նշվում է, որ 37-ամյա հարձակվողի կարիերայի շարունակության ամենահավանական տարբերակը Սաուդյան Արաբիայի առաջնությունն է, քանի որ նրա համար կարևոր են ժամային գոտին, Եվրոպայից ունեցած հեռավորությունը և կլիման։ Դիտարկվում է նաև «Չիկագո Ֆայրի» առաջարկը, սակայն այն պակաս առաջնահերթ է։ Լևանդովսկիի ծառայություններով հետաքրքրված է եղել նաև «Պորտուն», բայց այժմ խաղացողն առավելապես հակված է Մերձավոր Արևելք տեղափոխվելուն։ Ըստ շրջանառվող լուրերի՝ ֆուտբոլիստը վերջնական որոշում կկայացնի առաջիկա օրերին։

37-ամյա Ռոբերտ Լևանդովսկին «Բարսելոնայում» հանդես է գալիս 2022 թվականից։ Նրա գործող պայմանագրի ժամկետն ակումբի հետ նախատեսված է մինչև 2026 թվականի հունիսի վերջը։