Ընտրակաշառք տալու և վերցնելու համար նախատեսված պատիժը կփոխվի. Ալեն Սիմոնյան

ԱԺ նախագահ Ալեն Սիմոնյանը հայտարարել է, որ իր և պատգամավորներ Արուսյակ Ջուլհակյանի, Ալխազ Ղազարյանի ու Վահագն Ալեքսանյանի կողմից նոր օրենսդրական նախաձեռնություն է դրվել շրջանառության մեջ, որով ընտրակաշառք տալու և վերցնելու համար նախկինում նախատեսված պատիժը կփոխվի։

«Մինչև 8 տարի նախատեսվող պատիժն ընտրակաշառք տալու համար կփոխարինվի մինչև 10 տարի ազատազրկմամբ։ Վերցնելու համար՝ մինչև 7 տարվա փոխարեն՝ մինչև 9 տարի»,- ասել է նա։

«Հիմա գնացեք մտածեք՝ արդյոք արժի՞ 100 հազար կամ 200 հազար դրամի հեռուստացույցի, շալվարի, քյաբի դիմաց գնալ և բավականին երկար ժամանակ անցկացնել ուղղիչ աշխատանքային գաղութում, ունենալ դատվածություն, մտնել այս ամենի մեջ և նաև հարվածի տակ դնել մեր պետականությունը»,- նշել է ԱԺ նախագահը։