Ինժեներական քաղաքում քննարկվել է բարձր տեխնոլոգիական ոլորտի զարգացման ռազմավարական ծրագիրը
Ինժեներական քաղաքում տեխնոլոգիական համայնքի փորձագիտական խմբի հետ անցկացվել է բարձր տեխնոլոգիական ոլորտի զարգացման ռազմավարական ծրագրի հերթական հանդիպում-քննարկումը։ Այդ մասին հայտնում են ԲՏԱՆ-ից:
Միջոցառմանը բացման խոսքով հանդես է եկել ՀՀ բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը:
Նա կարևորել է ոլորտային համայնքի ակտիվ ներգրավվածությունը ռազմավարության մշակման գործընթացում և շնորհակալություն է հայտնել աշխատանքներին մասնակցելու համար։ Նախարարի առաջին տեղակալը նշել է, որ արդյունավետ համագործակցությունը հիմնարար նշանակություն ունի առավել ներառական և երկարաժամկետ ռազմավարության ձևավորման համար։
«Ամերիա» ընկերության կառավարման խորհրդատվական ծառայությունների տնօրեն Տիգրան Ջրբաշյանը ներկայացրել է բարձր տեխնոլոգիական ոլորտի զարգացման միջազգային փորձը, գլոբալ պահանջարկի միտումները և այդ համատեքստում Հայաստանի մրցակցային հնարավորությունները։
Նշենք, որ Հայաստանի բարձր տեխնոլոգիական ոլորտի զարգացման ռազմավարական ծրագրի մշակման գործընթացում ԲՏԱ նախարարությանը խորհրդատվական աջակցություն է տրամադրում «Ամերիա» ընկերությունը՝ Fraunhofer ISI-ի, Ձեռնարկությունների ինկուբատոր հիմնադրամի և «Մոդեքս» ընկերության հետ համատեղ։
Քննարկման ընթացքում դիտարկվել են ռազմավարական համատեքստը, գլոբալ տեխնոլոգիական միտումները և միջազգային շուկաներում Հայաստանի դիրքավորման հեռանկարները: Հատուկ ուշադրություն է դարձվել պետություն-մասնավոր հատված համագործակցությանը և տեխնոլոգիական էկոհամակարգի զարգացման հարցերին։
Ներկայացվել են նաև օտարերկրյա շուկաների մոնիտորինգի, շահառուների ներգրավման, համակարգված ինկուբատորների (ICI) և ստարտափների տեխնոլոգիական ուղղություններին վերաբերող մոտեցումները։
Քննարկումների ընթացքում անդրադարձ է կատարվել ոլորտի տեսլականին, տեխնոլոգիական և ռազմավարական առաջնահերթություններին, հիմնական գործողություններին և ակնկալվող երկարաժամկետ արդյունքներին։
Մասնակիցները ներկայացրել են առաջարկություններ և դիտարկումներ՝ ոլորտի զարգացման հեռանկարների, ռազմավարական նպատակների և հետագա քայլերի վերաբերյալ։
Պայմանավորվածություն է ձեռքբերվել շարունակել համագործակցությունը՝ նպատակ ունենալով նպաստել ոլորտի զարգացմանն ուղղված արդյունավետ ռազմավարության մշակմանն ու հետագա իրագործմանը։
Մենք միանգամայն արժանիորեն դուրս եկանք հաջորդ փուլ
Գանսուի թռչող ձին. չինական նահանգի հնագույն ժառանգություն
Մյունխենի կենտրոնում կառուցվել է փայտից պատրաստված հնգահարկ մանկապարտեզ
Արսեն Թորոսյանը ներկայացրել է սոցիալական պաշտպանության ոլորտում իրականացվող թվայնացման աշխատանքները
Wildberries-ն իրականացրել է աջակցող վճարումների երկրորդ փուլը
ՀԱՄԱՍ- ում հաստատել են զենքը վայր դնելու պատրաստակամությունը
ՀՀ տարածքում ավտոճանապարհներն անցանելի են
Մնացական Սաֆարյանն ու Պորտուգալիայի նորանշանակ դեսպանը քննարկել են երկկողմ համագործակցության օրակարգ...
Գետերի վարարումների ժամանակ առաջացած ավելցուկային ջուրը որոշ դեպքերում անհատույց կտրամադրվի ոռոգման ...
Սինգապուրի վարչապետը շնվորհավորել է Փաշինյանին